300 Wakamatwa Mwanza kwa Makosa Ya Kiharifu

Dalton elijah · 2024-12-22T19:07:49+00:00

MWANZA: Jeshi la Polisi Mkoa wa Mwanza limewakamata watu zaidi ya 300 wanaojihusisha na vitendo mbalimbali vya kihalifu ikiwemo makosa ya barabarani ambayo yanahatarisha maisha na kusababisha ajali. Hayo yamesemwa wiki hii jijini Mwanza na Kamanda wa Polisi Mkoa wa Mwanza, Wilbroad Mutafungwa wakati akitoa taarifa kwa waandishi wa habari kuhusu hali ya uhalifu mkoani humo. Mutafungwa alifichua kuwa washukiwa 54 walikamatwa kwa kumiliki mali zilizoibiwa wengine 94 walikamatwa kwa kucheza kamari kinyume cha sheria, 27 kwa kumiliki pombe haramu na 26 kwa kujihusisha na ukahaba. Alisema watu 37 walikamatwa kwa kukiuka masharti ya leseni ya kuendesha gari, 30 kwa kosa la kumiliki dawa za kulevya na 70 kwa kutumia dawa za kulevya. RPC aliongeza kuwa makosa 9,353 ya usalama barabarani yalirekodiwa na mtu mmoja alikamatwa kwa kosa la kuvaa sare za jeshi la Wananchi wa Tanzania (TPDF) kinyume cha sheria. Mutafungwa alifafanua kuwa kukamatwa kwa watu hao waliotenda makosa mbalimbali ni sehemu ya operesheni maalum inayoendelea ambayo ilianza Desemba Mosi, mwaka huu, kwa lengo la kudhibiti vitendo vya uhalifu na kuhakikisha usalama barabarani katika eneo hilo. Alisema mtuhumiwa mmoja aliyejitambulisha kwa jina la Rajabu Reli, mkazi wa Kijiji cha Kasisi Kata ya Katungulu, Wilaya ya Sengerema, alikamatwa Desemba 5 majira ya saa 8 usiku baada ya kukutwa akiwa amevaa sare za TPDF, ikiwamo kiatu. Kuhusu mali zilizoibwa, alisema kumekuwa na ongezeko la matukio ya wizi wa vitu kutoka kwenye magari, ikiwamo vipuri vya magari jijini Mwanza, ambapo wakati wa operesheni hiyo, watuhumiwa watano walikamatwa wakiwa na vitu mbalimbali vilivyoibwa, baadhi yao walitambuliwa na wamiliki wa magari hayo. Mutafungwa aliwataka watu ambao sehemu zao za magari zimeibwa kutembelea Makao Makuu ya Polisi Mkoa wa Mwanza kwa ajili ya kutambua mali zao walizozipata. Kuhusu wizi wa vifaa vilivyotumika katika ujenzi wa reli ya Standard Gauge (SGR), Bw Mutafungwa alisema washukiwa wawili waliopatikana wakiwa na vipande 78 vya chuma vilivyokusudiwa kutumika katika utekelezaji wa mradi wa SGR pia walikamatwa. Chanzo.Daily news

Thread starter Dalton elijah
Start date Dec 22, 2024
Tags

polisi

Dalton elijah

JF-Expert Member

Dec 22, 2024

fazili

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

300 Wakamatwa Mwanza kwa Makosa Ya Kiharifu

Dalton elijah

JF-Expert Member

Attachments

fazili

JF-Expert Member

Our Community

Regional Communities