Abatuye i Goma basabye MONUSCO, ingabo z’u Burundi n’iza SADC kuva muri RDC

Marie Antoinette · 2025-02-17T13:47:14+00:00

Abatuye mu mujyi wa Goma babyukiye mu myigaragambyo mu gitondo cy’uyu wa 17 Gashyantare 2025, basaba ingabo ziri mu butumwa bw’amahoro bw’Umuryango w’Abibumbye (MONUSCO), iz’u Burundi n’iz’umuryango wa Afurika y’Amajyepfo (SAMIDRC) kuva muri Repubulika Iharanira Demokarasi ya Congo. Aba baturage bavugaga ko ingabo ziri mu bigo bya MONUSCO zirimo iza RDC zishobora kubahungabanyiriza umutekano, bityo ko zikwiye kukivamo, zikishyikiriza abarwanyi b’umutwe witwaje intwaro wa M23 kugira ngo batekane. Bati “Abasirikare ba FARDC bari mu bigo bya MONUSCO bashobora kuduhungabanyiriza umutekano. Turasaba ko ziva muri ibyo bigo, bakamanika amaboko kugira ngo tubone amahoro.” Aba Banye-Congo bakomeje bavuga bati “Ikindi dusaba ni uko ingabo za SAMIDRC, iz’u Burundi n’iza MONUSCO zitaha iwabo. Ikibazo cyacu tuzacyikemurira nk’Abanye-Congo.” Mu bundi butumwa bari bafite harimo ubuvuga ko Perezida Félix Tshisekedi wa RDC adashoboye kurinda umutekano wabo, bityo ko akwiye kuva ku butegetsi. Abarwanyi b’umutwe witwaje intwaro wa M23 bagenzura umujyi wa Goma kuva tariki ya 27 Mutarama 2025. Abo mu ihuriro ry’ingabo za RDC bahungiye mu bigo bya MONUSCO kuva uwo munsi, abandi bamanuka muri Kivu y’Amajyepfo. Hari n’abahungiye mu Rwanda. M23 iherutse gutangaza ko hari ingabo za RDC zemerewe gusohoka mu kigo cya MONUSCO, hamwe n’abarwanyi b’umutwe w’iterabwoba wa FDLR, bajya guhungabanya umutekano wa Goma. Muri bo hafashwemo batanu.

Thread starter Marie Antoinette
Start date Feb 17, 2025
Tags

burundi goma monusco sadc

Marie Antoinette

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Abatuye i Goma basabye MONUSCO, ingabo z’u Burundi n’iza SADC kuva muri RDC

Marie Antoinette

JF-Expert Member

Our Community

Regional Communities