Afya ya Akili: Sikuwa hivi nilivyo

Daniel Adam Kidingija · 2024-09-21T04:18:42+00:00

Watu wengi mtu anapokosea kufanya jambo, tunalaumu. Wachache hujiuliza amekutwa na nini. Jambo tusilofahamu ni kwamba, kila moja achukuliwe kwa upekee alionao. Haina maana tumpongeze mtu anaevunja taratibu nzuri katika jamii zetu. Upekee hujengwa na sababu za kimazingira, na za kibaiolojia. Ndugu msomaji, mtazame kijana Y: Y alikuwa ni kijana mpole, mcha Mungu, asievunja sheria , na mchapa kazi haswa. Alipendwa na watu wengi sana. Ikiwa ni mapenzi ya Mwenyezi Mungu, mwaka jana, Y aliwapoteza wazazi wake. Jamii iliomzunguka alimuambia akomae kwani mtoto wa kiume hapaswi kulia. Kwakua hakuwa na mtu ambae aliweza kuzungumza nae juu ya amani na furaha iliopotea na moyoni, basi alibeba jambo lile peke yake. Siku zilivyozidi kwenda, utendaji kazi wake ofisini ulishuka na kupelekea kutoelewana na boss wake kila siku. Mahusiano yake yalivunjika kutokana na mabadiliko ya kitabia alionesha. Y aliamua kugeukia pombe na madawa akiamini itamsaidia kukwepa ukweli wa maumivu na kile kinachoendelea kwa wakati ule. Watu wanaomzunguka walimyoshea vidole na kumuita mhuni, na mlevi. Matumizi endelevu ya vilevi yalipelekea Y kufukuzwa kazi. Kiasi kidogo cha pesa alichokuwanacho alikitawanya katika kununua pombe na madawa kwani kila akiitazama jana yake na kesho yake haoni mwangaza wowote wa tumaini, mwili pia umeshajenga uraibu wa madawa na hakuna mtu ambae yupo tayari kumsaidia zaidi ya kumnyoshe kidole. Ata pale alipoishiwa pesa alijikuta amejiingiza katika utapeli na uporaji. Mabadiliko haya ya tabia kwa Y ni muendelezo ya matukio ambayo yamekuwa yakijitokeza ata kwa watu wengine. Kufeli kwetu kuchangua njia sahihi ya kupambana na mambo yanayotusibu huzalisha changamoto kubwa zaidi na kubadili tabia zetu. Vizazi na vizazi katika jamii zetu tumebebeshwa imani zinazozidi kandamiza afya zetu za akili. Pia, hakuna mtu anaekuwa mtu bora zaidi kwa kunyoshewa vidole. Ni wajibu wa kila moja wetu kuhakikisha anasimamia afya yake ya akili na ya watu wanaomzunguka. Mwanasaikolojia; Daniel Adam Kidingija kidingijadaniel@gmail.com 0710161374

Thread starter Daniel Adam Kidingija
Start date Sep 21, 2024
Tags

afya afya ya akili akili jamii saikilojia

Daniel Adam Kidingija

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Afya ya Akili: Sikuwa hivi nilivyo

Daniel Adam Kidingija

New Member

Our Community

Regional Communities