Album ya Mkuki Moyoni ya Afande Sele

UKWAJU WA KITAMBO · 2024-03-09T10:19:29+00:00

AFANDE WA MOROGORO MFALME WA TANZANIA. Toka mwaka 2002 mpaka sasa 2022 ni miaka 20 imepita toka album ya "mkuki moyoni" toka kwa Afande Sele izame sokoni. Mwaka 2004 hii album kwa uzito wa nyimo zake ilitosha kabisa kumtangaza mfalme wa rhymes ni Afande Sele. Mkuki moyoni ni miongoni mwa album bora kwa mziki wa kizazi kipya mpaka Hip-hop kwa Tanzania kwa mda wote. Ubora wa hii album unabebwa na ubora wa tungo na washiriki ambao walipewa nafasi ya kutia mashairi kwenye nyimbo. Wimbo wa "mayowe" aliyoshirikisha Jay Mo ndio wimbo wa kwanza kutoka kwenye hii album na ndio wimbo ambao ulimtambulisha kama msanii huru yote baada ya kua karibu sana na Sugu kwa mda mrefu kidogo. Kumbukumbu zinaonesha hata wimbo wake wa kwanza "afande anasema" ulitoka akiwa kwa Sugu na ukawekwa katika album ya Sugu. Fununu zilisema mwanzoni kabisa album ilitakiwa kupewa jina la "mtazamo" lakini mtu mzima Afande Sele akaona bora jina na kuipa jina la "mkuki moyoni" wimbo ambao ulibeba historia nzima ya maisha yake. Uzinduzi wa hii album ulikua mkubwa sana yani raia walijaa sana yote kutokana na ukubwa wa Afande Sele. Pamoja na kujaza mashabiki inasemekana pia watu walimtapeli mfalme mpaka ikasababisha kitokuelewana na baadhi ya wasanii ambao walialikwa kwenye uzinduzi. Mkuki moyoni ni album ilitoka chini ya P funk pale Bongo Record. Ukisikiliza hii album utagundua Afande toka mda mrefu anapenda ushurikiano na wasanii wenzake japo wasanii wenzake wanaogopa kumshirikisha kwa hofu ya kufunikwa kimashairi. Album ilikua na nyimba 10. 1. Mkuki moyoni ft Daz Baba 2. Kama nitapata ukimwi ft K basil 3. Mayowe ft J Mo 4. Mayowe part 2 ft Papii Kocha 5. Mtu na Pesa ft Bwana Sam 6. Nikiwa Mbali ft Mc Koba 7. Habari kamili ft Ay & Black Rhyno 8. Mimi na wewe basi ft Mr Nice 9. Mtazamo ft Solo Thang & Prof J 10. Mpenzi njoo ft Bwana Sam. Cover ya hii album ilisadifu kile kilichomo kwenye album hii. Tutagusia nyimbo chache kuona ilikuaje kuaje. Mkuki moyoni ndio wimbo uliobeba album na ndio jina la Album. Huu wimbo unaelezea kisa ambacho kilimtokea Afande Sele miaka ya nyuma. Mwaka 2017 Afande sele alipost picha yake ya kwanza akiwa na mama ake mzazi. Mwaka 2022 Afande Sele ameondokewa na mama ake mzazi. Wimbo unaanza kwa kiitikio toka kwa Daz Baba akisema Mateso unayonipa mwilini Ni vigumu we kuyatambua usoni Umeshanichoma mkuki moyoni Siwezi tena kuishi duniani na wewe Nionyeshe huruma yako we mama (we mama) Nionyeshe huruma yako we mama (we mama) Nionyeshe huruma yako we mama (we mama) Kabla mimi sijafa kiama Ukisoma chorus unapata picha kubwa toka kwa Afande Sele kua kuna mda ambao alitaka apate upendo toka kwa mama ake mzazi pamoja na yote akamuomba mama ake amuonyeshe japo huruma kidogo aweze kuishi kwenye hii dunia lakini mama alikaza. Baada ya chorus kupita ndipo beti ya kwanza inaanza toka kwa Afande Sele. Aah! Kabla kifo cha baba nilipata nilichotaka Na toka alipoanguka sioni hata pa kushika Dingi alivyonipenda nashindwa hata kueleza Ndugu zangu walinuna walisema ananidekeza Ndo maana alipokufa wakapanga kuniangamiza Visa vingi wanafanya ila mimi namuachia Mungu Mkombozi uliye juu, na muumba nchi na mbingu Kama kweli unayaona matendo ya walimwengu Naamini utasimama na utalinda maisha yangu Maana siko salama na kisa ni urithi wangu Ndugu wameniandama waipoteze roho yangu Nami sina pa kwenda, na sina mtetezi wangu Mama alishakimbia na akaniacha peke yangu Nateseka kivyangu, mchana jua ni langu Usiku mvua ni yangu Oh! Ukisoma beti hii inaonesha labda mama alimkimbia Afande Sele baada ya kuona kuna uzinguaji kwenye mali za mumewe na mengine mengi akaona bora akimbie huku akimuacha mtoto ake sehemu ambayo sio nzuri kuishi japo marehemu baba ake aliacha vitu vingi. Sasa, baada ya kifo cha baba Mama aliniacha pekee, kasonga mbele kivyake Miaka mingi ikapita sikupata salamu zake Kwenye vyombo vya habari nikatuma ujumbe wake Tena kuna gazeti nilitoa hadi picha zake Waugwana walioziona walisema yupo Kigoma Na zaidi wakanieleza kuhusu maisha yuko njema Nikaenda kumtazama Nipate kuhakikisha kama alipo ni salama Mnajua uchungu wa mama, eh? Hasa mkipotezana kwa muda usiojulikana Kwa bahati njema nikampata Bahati mbaya ikafata, najuta yalionikuta Ni vigumu kuamini lakini ukweli nitakufa Mama alinikataa, kwanza sikumuelewa nikabaki namshangaa Kisha nikamuuliza, vipi mama una kichaa? Mwenyewe umenizaa, hivi sasa unanikataa! Jibu alilorudisha sikuamini kwa masaa Alisema sikujui na geti akafunga pah! Shoga zake jirani wakanieleza kwa ufasaha Kumbe kaolewa tena na amesema hajazaa Hivyo angenikubali mumewe angemkataa Mwili ulikosa nguvu nikabaki nimeduaa Hiyo beti ya pili ukisoma unaona wazi mama alipokimbia huku nyuma alimpa kazi kubwa mtoto wake kumtafuta kila kona. Alitumia kila njia mpaka akaja kufahamu mama ake alipo na akamfata cha ajabu mama nae akamtosa apo ndipo ukirudi kwenye chorus ndio unapata picha kwanini alitaka japo apate huruma ya mama kidogo. Kweli nilishangaa Mama ‘angu alionizaa kuniacha kwenye mataa Takribani nusu saa sikuongea kama bubu Watu walinizunguka, nikainama chini kwa aibu Ntaishi vipi ugenini, akilini sikuwa na jibu Kule sikuwa na ndugu, nkaishi maisha ya tabu Sometimes ilinibidi nilale nje kama bawabu Mbu, baridi kali, kwa kweli nilipata tabu Maisha kwa kiumbe mimi yalionekana kama adhabu Na kama unavyoelewa wenye pesa wengi waarabu Wapo wenye ustaarabu, ila wengine hawana adabu Nilipoomba msaada walitaka kwanza taarabu Washenzi, hamna adabu Ndivyo mimi nilivyo wajibu Dhiki ukiendekeza haki ya Mungu watakuharibu Hilo nililelewa nikaliweka kumbukumbu Nilipokosa chakula ilibidi nilale njaa Nikikosa pa kulala nazuga kwenye mitaa Maisha kifo mkononi, kifupi mi niliishi kama mtoto wa mtaani Ndo maana naona mbali, naona mbali Kwa darubini kali! Beti ya tatu ilimaliza kila kitu kuhusu safari yake ya kumsaka mama ake . Kama nitapata ukimwi hui wimbo ulizungumzia kuhusu gonna hatari la ukimwi. Kama akipata ni jinsi gani ataweza kujilinda na kulinda wenzake. Mayowe zote mbili zilitaka watu wasipige sana kelele kwa wale ambao kusikia na kuelewa kwao ni ngumu yani bora kuwaacha yawakute ndio wataelewa. Watu na fedha ulizungumzia jinsi nguvu ya pesa ilivyo huku nguvu ya utu ikipotezwa vibaya mno na nguvu ya pesa. Nikiwa mbali huu wimbo ulizungumzia mkoa wa Morogoro mpaka utunzaji wa mazingira katika mkoa wa Morogoro. Habari kamili ulizungumzia mambo mbalimbali ya kwenye jamii yetu jinsi yalivyo. Mimi na wewe ni wimbo wa mapenzi umezungumzia uvumilivu na upendo mpaka kuachana Mpenzi njoo huu nao ulizungumzia kuhusu mapenzi na upendo wa dhati kabisa. Mtazamo huu wimbo nitakupa mashairi yake na utajua ulikua mtazamo wa nini? Solo Thang] Yeah… Yeah… Hakuna S bila O L bila O Mwingine aitwe’ Thang bila Solo Shupavu’ awajibike kama Apollo Jay, Afande! Ni ukuta’ wapi uchochoro? Hakuna S bila O L bila O Mwingine aitwe’ Thang bila Solo Shupavu’ awajibike kama Apollo Jay, Afande! Ni ukuta’ wapi uchochoro? Yo Naghani’ ni mtazamo wa fani Ile dhana ni uhuni wameleta hawa katuni Kuna ku-rap na kumbwata Ma-reaper na ma-rapper Katuni, Tungo tata Wapi ulipo we jaku? Unakuwa mtumwa ili upewe promo kuuza Au kama ni binti’ ukalale kwa prodyuza Ma-Promoter wana uma tu’ hawajui na kupuliza Na siku wakipuliza jua kidonda kishaoza Natamani kuwa huru mnyonyaji asinidhuru Wanaitwa “ma-Emcee” hawajui mitindo huru Huu mtazamo wangu’ naona vingi vioja Yaani watangazaji sasa’ ndo ma meneja Vidato sita nlivyopitia Ndivyo vinavyonisaidia Mbunifu ukiizingatia Hata wakinibania Ni kipaji tu Ni mtazamo tu Msikasirike wash’kaji Haya mawazo tu Ulamaa… Ukianza na beti ya Solo anakuonesha wazi kwenye huo wimbo hakuna mnyonge wa mashairi "Jay, Afande ni ukuta wapi uchochoro" kwa kupima kwako apo tu unaona kabisa hakuna mnyonge wa mashairi kwenye huu wimbo. Ni mtazamo zamo emcee usiogope kivuli Bora ukemee mabaya na usifie mazuri Ni mtazamo zamo emcee usikwepe umande Okoa sanaa ya Bongo ili uchumi upande Ni mtazamo zamo emcee usiogope kivuli Bora ukemee mabaya na usifie mazuri Ni mtazamo zamo emcee usikwepe umande Okoa sanaa ya Bongo ili uchumi upande Kwi kwi, Ulamaa, Professor Jay, Afande Chorus ndio imepita apo beti ya pili inafata Ni mtazamo rap inakuwa ni mikingano Sasa watoto wadogo wanajiita watu wa makamo Wanakwenda hatua mbili, wanarudi kumi na kujipongeza Bila kuzingatia hatua nane walizopoteza Hao ni mafukara wa akili zao na uwezo wao Wasiotambua nini na nini ni hatima zao Magwiji vichwa chini nadhani wanatunga sheria Lakini sheria msumeno isije ikawarudia Yes, ma-underground wanafanya rap inang’ara Lazima muwe vinara imara kwenye msafara Rap na mazingaombwe abadani, haviendani Msitegemee tawilee iwaokoe katika fani Ni vyema ukafikiri kabla ya kufanya maamuzi Tazama mbele usije ukanywa chai kwa mluzi Naamini askari shupavu lazima upitie depo Vinginevyo ndugu yangu utakuwa unapaka rangi upepo Kama unapata moja kwanini usipate na mia Hiyo inawezekana kwa wote mlio na nia Sioni sababu za msingi kuomba kwenye mitaa Kama una kipaji iweje ufe na njaa Beti ya tatu Asante Professor Jay Majani na Ulamaa mmegusa n’napopataka Nami kwenye mtazamo nina jambo nataka kuweka Maana kila kukicha emcees wanaongezeka Nasema very nice, yes rap kama dhehebu Emcees kama wafuasi Wingi wa wasanii unaonesha ni dini safi Yaani imekubalika, waumini tuko wengi Lakini bado nashaka Sijapata uhakika, wote tumesadiki Ama wengine ni fake mmetumwa kama mamluki Maanake hamna maana Mna-rap mnadi rap, mistari imekosa vina Yenye vina haina maana Na kila mnapokaa mnapenda kusengenyana Mnapenda kutetana na mnapenda kurumbana Mimi naogopa sana Kwa jinsi navyoelewa mwishoni mtatukanana Ama inawezekana mwishoni mkaja chinjana Na wote tunao-rap tuonekane hatuna maana Wapi ilipo Taarab Ilikuja kwa kishindo, hata wagumu walishausudu Kwa ajili ya marumbano mwishoni ikafa kibudu Shabiki piga simu, changia mawazo yako Nani tutamlaumu, kama rap ita-cease kwa kuendekeza upuuzi Nani tumchune ngozi, producer aliyerekodi Ama labda DJ anaepiga kwenye kipindi Wengi wanapenda rap, ajabu rap haiwapendi Waungwana wanaiacha, wapumbavu hawaambiliki Hivi kwani lazima tuwe wote wanamuziki Mi nadhani ingetosha wengine mbaki ushabiki Huu ni wangu mtazamo masela msijenge chuki Hata na Majani, yoh Kwa kupimia tu huu wimbo ungetoka miaka hii unaona ni nani angeweza kufiti apo kimashairi? Baada ya hii album na ushindi wa rhymes mtu mzima akatoka na album yake ya pili "DARUBINI KALI "

Thread starter UKWAJU WA KITAMBO
Start date Mar 9, 2024
Tags

afande afande sele album moyoni

UKWAJU WA KITAMBO

Member

Mar 9, 2024

Smart911

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Album ya Mkuki Moyoni ya Afande Sele

UKWAJU WA KITAMBO

Member

Smart911

Platinum Member

Our Community

Regional Communities