Aliyehukumiwa kifungo cha maisha kwa kosa la kubaka amejinyonga akiwa mahabusu

[Mkalukungone mwamba]

Fundi magari na Mkazi wa Kiluvya, Kisarawe, Seleman Mirai Kibiki (49), amejinyonga akiwa mahabusu ya Mahakama ya Wilaya ya Kisarawe, Mkoani Pwani akisubiri kupelekwa gerezani mara baada ya kutiwa hatiani na Mahakama hiyo na kuhukumiwa kifungo cha maisha kwa kosa la kubaka na kulawiti Mtoto wake wa kufikia mwenye umri wa miaka saba February 13,2024 huko Kiluvya kwa Komba, Wilaya ya Kisarawe.

Soma Pia: Asha (47) ahukumiwa kifungo cha maisha jela kwa kumbaka mvulana wa miaka 15

Kamanda wa Polisi, Mkoa wa Pwani, Pius N. Lutumo amesema “Mara baada yakusomewa hukumu hiyo August 13,2024, Seleman aliingia chooni kisha kujinyonga kwa kutumia shati lake ambalo alilifunga kwenye nondo za dirisha la choo hicho, mwili wa marehemu ulihifadhiwa katika Hospitali ya Wilaya ya Kisarawe kwa uchunguzi wa Daktari na jana kukabidhiwa kwa Ndugu kwa ajili ya mazishi”

Chanzo: MillardAyo

 

[Sinoni]

Apumzike panapostahili.

 

[Msumb]

Noma

 

[mshamba_mwingine]

Huyo inaonekana tu hakuwa sawa kichwani,

Ni bomu lililokuwa linasubiri kulipuka

Maanake kumbaka mtoto inahitaji uwe kichaa kabisa

 

[sysafiri]

Hakuna anayefurahia kifo lakini kwa kumharibu huyo mtoto hayo ndiyo malipo yake!

 

[Utajua wewe]

Amejinyonga mahabusu au amenyongwa?

 

[Black Sniper]

Wabakaji na wauwaji mara nyingi huwa hawana maisha mazuri jela
Usitegemee utalelewa ukibaka na kuuwa
Inaweza kuwa kauwawa na wenye hasira mbaya na tukio hilo

Hata jela nyingi duniani watu kama hawa huuwawa na wafungwa wengine
Kama alifanya hivyo kajihukumu au kahukumiwa

 

[Conquistador]

Amejinyonga mahabusu au amenyongwa?

Hapo Sasa.
Isije ikawa Ni kesi ya michongo.