Askofu William Mwamalanga ambaye ni Mwenyekiti wa Kamati maalum ya Maaskofu na Masheikh ya Haki, Amani na Maadili Tanzania ameoneshwa kukerwa na kauli iliyotolewa na Katibu wa NEC Itikadi, Uenezi na Mafunzo CCM Taifa Amos Makalla
Hivi karibuni akiwa mkoani Simiyu ambapo alidai kuwa Chama cha Demokrasia na Maendeleo (CHADEMA) kina mpango wa kununua virusi vya Ebola na Mpox na kuvisambaza nchini.
Akiwa kwenye mahojiano maalum na Jambo TV, Askofu Mwamalanga amekemea siasa za aina hiyo, sambamba na kutoa wito kwake binafsi na chama chake kutafakari upya kama anastahili kuendelea kutumikia nafasi hiyo.