Baada ya Bodi ya Filamu kumfungia Wema Sepetu, Chama cha Waigizaji Kinondoni nacho chamfungia

Alexander The Great said:

Tanzania sijui kwanini swala la kujiamini hua ni mtihani sana kwetu, hawa mwanzo walikaa kimya kwenye matukio yote ya wasanii wa filamu waliopata sekeseke kama hili la video chafu, ila kwa hili la wema wamepata kujiamini kumfungia baada kuona tamko la serekali juu ya hilo swala.

Ila ushauri wangu kwa hawa wanaokurupuka kutoa matamko ya kumfungia watu hovyo bila hata ya kukaa chini na kumsikiliza upande wake ana utetezi gani dhidi ya tuhuma hio, kisha kuchanganua na ndio kutoa hukumu. Wana feli.

URT. Sheria ina sema, nanukuu,

Article 13) (1). "Kila mtu ana USAWA mbele ya sheria (vyombo vya sheria), bila ya ubaguzi wowote, kupewa ulinzi na haki mbele ya sheria"

Article 13) (6). "Kuhakikisha usawa mbele ya sheria/vyombo vya sheria, vyombo husika serekalini vinapaswa kuchukua hatua/njia sahihi ili kuhakikisha usawa huo unapatikana au kuchukua hatua zilizo ainishwa hapa chini;

Artile 13) (6) (b). Hakuna mtu anapaswa kutiwa hatiani mpaka itakapo thibitishwa na chombo husika ya kua ana hatia ya kutenda kosa la jinai......." NB HAPA kuna haki zinaitwa NATURAL JUSTICE (Haki za Asili) mtu ana haki ya kusikilizwa upande wake kuhusu utetezi, ana haki ya kutetewa/kuwakilishwa na mtu anaye ona anafaa kumwakilisha wakati wa kusikilizwa shauri hilo dhidi yake n.k.

Bila kufata haki hizo juu, basi hukumu zote zitakazo tolewa dhidi yake zitakua ni BATILI/HAZINA NGUVU mbele ya mahakama (akikata rufaa mahakamani dhidi ya hukumu za hivyo vyombo husika vilivomfungia/vilivyompa adhabu bila kumpa haki zake za asili, kama vile kumsikiliza/kupewa nafasi ya kutetewa/kupewa nafasi ya kuwakilishwa kisheria).


Sina nia ya kumtetea au kuonesha kua Wema Sepetu hana kosa kwa utumbo aliofanya, au Amber Rutty kwa upuuzi aliofanya. Hapana, nia yangu vyombo husika vifate sheria stahiki ili hukumu zao ziwe na nguvu (hata mbele ya mahakama wakiamua kukata rufaa ya hizo hukumu).

Click to expand...

beth said:

Chama cha waigizaji mkoa wa Kinondoni (TDFAA) kimemfungia mwanachama wake Wema Sepetu kujihusisha na masuala ya filamu kwa muda wa miaka miwili.

Huo ni mwendelezo wa adhabu kwa mwigizaji huyo kufuatia kusambaa kwa video inayomuonyesha akifanya vitendo vinavyokinzana na maadili ya Mtanzania.

Chama hicho kimekwenda mbele zaidi na kutaka mamlaka za kiserikali zipuuze utetezi unaotolewa na mwigizaji huyo ambaye ni mrembo wa Tanzania mwaka 2006 kwa kuwa una lengo la kuvipumbaza visimchukulie hatua.

Msemaji wa chama hicho, Masoud Kaftany akizungumza na waandishi wa habari leo Jumatatu Oktoba 29, 2018 amesema uamuzi huo umefikiwa baada ya kamati ya maadili kujadili suala hilo kwa kina.

“Hii si mara ya kwanza kwa Wema kufanya mambo ya ajabu, aliwahi kuanika video ya makalio tukamuita akaomba radhi, safari hii ndio amefanya haya,’’ amesema Kaftany.

Amesema kamati imeunga mkono hatua zilizochukuliwa na bodi ya filamu na imeliomba Baraza la Sanaa Tanzania (Basata) kumuongezea adhabu itakayomzuia asijihusishe na shughuli zozote za sanaa kwa kipindi cha miaka miwili.

Katibu Msaidizi wa chama hicho, Herrieth Chumila amesema baada ya picha hizo kuanza kuzagaa walifanya jitihada za kumtafuta msanii huyo lakini hazikuzaa matunda.

“Tulimuita akasema yupo Burundi ila tunafahamu haikuwa kweli kana kwamba haitoshi leo pia tulimuita aje hapa lakini hajatokea,” amesema Chumila.

Chumila amesema kamati hiyo ipo macho kwa wasanii wake hivyo waache matendo yanayoweza kuchafua taswira ya sanaa na taifa kwa ujumla.

Chanzo; Mwananchi

Click to expand...

Frank Gotora said:

Duh sasa mbona atakufa njaa?
wamlegezee
na haya wanayoyaita madangas yamekuwa magumu kutoa hela siku hizi!

Click to expand...

macho_mdiliko said:

Unajua kusoma na kuelewa ulichosoma? Kama jibu ni ndiyo basi nakushauri usome tena habari, pengine kuna sehemu umeruka.

Click to expand...

BRO SANTANA said:

Jamani hebu tuwe serious kidogo.
Yani miaka 2 tu ndio nini sasa.
Huyu ilitakiwa mpaka awamu ya 6 asote tu.
Hiyo ni adhabu ndogo sana

Click to expand...