Kwa muda mrefu, jina la Baraka Mpenja limekuwa sawa na simulizi ya soka la Tanzania. Sauti yake ilibeba hisia za mechi, ikiwasha ari ya mashabiki na kuwafanya wahisi kila mpira uliopigwa uwanjani. Lakini sasa, upepo umebadilika, SAUTI YA RADI kuelekea kwenye sanaa ya uigizaji.
Ni mabadiliko yasiyoepukika kwa wengi wenye vipaji vikubwa. Mafanikio kwenye sekta fulani hayawezi kumaanisha kuridhika milele. Inawezekana alikuwa kileleni kwenye utangazaji wa soka, lakini ndani yake kulikuwa na kiu ya kufanya kitu kingine. Labda ni hamu ya kujaribu upeo mpya au safari ya kutafuta kile kinachomletea utoshelevu wa kweli.