Jinsi ya Kufanya Biashara ya Kuonesha Sinema/Mpira Banda
Biashara ya kuonesha sinema au mechi za mpira kwenye banda ni
fursa yenye faida kubwa hasa kwa maeneo yenye wapenzi wengi wa michezo na sinema. Ili biashara hii iwe halali, mfanyabiashara anatakiwa kupata
leseni ya biashara kulingana na masharti ya Serikali ya Tanzania.
1. Aina za Leseni za Biashara
Kuna
makundi mawili ya leseni zinazohusu biashara zote nchini:
- Kundi A
Hutolewa na BRELA (Wakala wa Usajili wa Biashara na Leseni). Hii inahusu biashara kubwa zinazofanyika kitaifa au kimataifa.
- Kundi B
Hutolewa na Mamlaka za Serikali za Mitaa (Halmashauri/Manispaa). Biashara ya kuonesha sinema/mpira banda mara nyingi huingia kwenye kundi hili, kwa sababu ni biashara ya eneo fulani la mtaa au kijiji.
2. Masharti ya Jumla
Ili kupata leseni ya aina yoyote (A au B), unatakiwa kuwa na nyaraka zifuatazo:
- Namba ya Utambulisho wa Mlipa Kodi (TIN) kutoka TRA.
- Tax Clearance Certificate kutoka TRA.
- Kitambulisho cha uraia — NIDA, Pasipoti, au Cheti cha Kuzaliwa.
- Mkataba wa pango kama umechukua jengo au risiti ya kodi ya jengo kama ni nyumba yako.
- Ada ya leseni, ambayo inategemea aina ya biashara na hadhi ya Halmashauri husika (Wilaya, kijiji, jiji, manispaa, mji).
3. Maombi Kupitia TAUSI PORTAL
Serikali ya Tanzania imewezesha mfumo wa
TAUSI PORTAL, ambao unarahisisha maombi ya leseni za Kundi B kwa njia ya mtandaoni. Kupitia mfumo huu unaweza:
- Kuweka nyaraka muhimu (TIN, Kitambulisho, Mkataba wa Pango).
- Kulipa ada ya leseni kwa contro number.
- Kupokea leseni yako bila kulazimika kufika ofisini mara kwa mara.
Hii ni njia ya haraka, salama na ya kiserikali kuhakikisha biashara yako inaanza mapema bila kikwazo.
4. Kwanini unatakiwa Kuanzisha Banda la Kuonesha Mpira
Wapenzi wa mpira nchini Tanzania ni wengi, na si kila mmoja ana runinga kubwa au kifurushi cha kulipia (DSTV, Azam).
Malipo ni papo kwa papo (kila mteja analipa kuingia), na mapato yanaongezeka zaidi wakati wa mechi kubwa kama Ligi ya Mabingwa Ulaya au Kombe la Dunia.
- Biashara rahisi kuendesha
Inahitaji ufuatiliaji mdogo wa kila siku, bali nidhamu ya mapato na matumizi.
Unahitaji mhudumu wa tiketi, msaidizi wa kufungua/kufunga, na hata muuzaji wa vinywaji au vitafunwa pembeni.
5. Hatua za Kuanzisha Biashara
- Tayarisha nyaraka: TIN, Kitambulisho, Tax Clearance, Mkataba wa pango.
- Wasilisha maombi kupitia TAUSI PORTAL.
- Lipa ada ya leseni kulingana na kiwango kilichopangwa.
- Pokea leseni yako na uanze biashara kisheria.
- Hakikisha unazingatia kanuni za usalama na maeneo yenye idhini ili kuepuka usumbufu wa kisheria.
Kwanza pata leseni, kisha anza biashara bila hofu ya kufungiwa.
Ikiwa unakutana na changamoto za kupata vibali,
usihangaike peke yako. Wasiliana nasi moja kwa moja kwa WhatsApp kwa kutuma ujumbe
“NAHITAJI KUPATA LESENI” kupitia namba:
+255 693 880 325
Au fika ofisini kwetu Mwanza, Mkolani. Tutakusaidia kupata leseni yako kwa haraka na uhakika.