Zungu apigwa onyo kali kwa kukiuka maadili kuhusu tukio la uchelewaji wa ndege ya ATCL Mwanza - Dar

Zungu apigwa onyo kali kwa kukiuka maadili kuhusu tukio la uchelewaji wa ndege ya ATCL Mwanza - Dar

The Watchman

The Watchman

JF-Expert Member
Joined
Nov 7, 2023
Posts
2,186
Reaction score
4,940
JAB YAMPA ΟΝΥΟ ΚALI MWANDISHI KWA KUKIUKA MAADILI​

Dar es Salaam, 23 Januari, 2026

Bodi ya Ithibati ya Waandishi wa Habari (JAB), kwa mujibu wa mamlaka iliyopewa chini ya Sheria ya Huduma za Habari, Sura ya 229 na kanuni zake, imempa ONYO KALI Mwandishi wa Habari, Bw. Kelvin Justine Raphael, mwenye ithibati halali, maarufu kwa jina la ZUNGU (Matejoo) kufuatia kukiuka maadili ya taaluma ya uandishi wa habari katika maudhui aliyoyachapisha kuhusu tukio la uchelewaji wa ndege ya ATCL lililotokea tarehe 21 Februari, 2026.

Soma:
Msigwa amshukia Zungu, amwambia kulalamika kuhusu ATCL kuchelewesha safari ni uvunjifu wa sheria

Baada ya kumwita na kumpa fursa ya kusikilizwa kwa mujibu wa taratibu, Bodi imejiridhisha pasipo shaka kuwa mwandishi huyo alitoa kauli zenye matusi, kejeli na lugha isiyo ya staha na isiyozingatia mizania kinyume na misingi na maadili ya taaluma ya habari. Kauli hizo si tu zimekiuka misingi ya maadili ya uandishi wa habari, pia zimeathiri taswira ya taaluma ya habari na kuondoa heshima inayopaswa kuzingatiwa katika utoaji wa taarifa kwa umma.

Mwandishi husika amekiri na ameomba radhi kwa makosa hayo. Hata hivyo, Bodi imemtaka kuondoa mara moja maudhui hayo katika majukwaa yote aliyoyachapisha, kuacha mara moja tabia hiyo, na kurejea katika misingi ya maadili, weledi na uwajibikaji wa taaluma yake.

Aidha, Bodi inamwonya kuwa endapo atarudia au kuendelea na vitendo vya aina hiyo, haitasita kuchukua hatua kali zaidi za kinidhamu, ikiwa ni pamoja na kusimamisha au kufuta ithibati yake kwa mujibu wa Kifungu cha 14(b) cha Sheria ya Huduma za Habari, Sura ya 229 (Toleo la 2023).

Bodi inawakumbusha waandishi wote wa habari kuwa uhuru wa kutoa maoni na kujieleza hauondoi wajibu wa kuzingatia maadili ya taaluma. Taaluma ya habari ni nguzo muhimu ya jamii inayopaswa kuendeshwa kwa kuzingatia weledi, ukweli, uwiano na matumizi ya lugha yenye staha. Matumizi ya matusi, kejeli na lugha isiyofaa si tu yanadhoofisha uaminifu wa mwandishi binafsi, bali pia yanaharibu hadhi na heshima ya taaluma ya habari nchini.

IMETOLEWA NA:-
Patrick Kipangula
Kaimu Mkurugenzi Mkuu
Bodi ya Ithibati ya Waandishi wa Habari (JAB)


1771852695478.png



Pia Soma:

1. Shirika la Ndege Tanzania (ATCL) limetelekeza Abiria Mwanza
2. ATCL yaomba radhi kwa kuchelewesha safari ya Mwanza-Dar Februari 21
 
Bodi ya lthibati ya Waandishi wa Habari (JAB) imempa onyo kali Mwandishi wa Habari, Bw. Kelvin Justine Raphael, mwenye ithibati halali, maarufu kwa jina la ZUNGU (Matejoo) kufuatia kukiuka maadili ya taaluma ya uandishi wa habari katika maudhui aliyoyachapisha kuhusu tukio la uchelewaji wa ndege ya ATCL lililotokea tarehe 21 Februari.

Taarifa JAB inasema, “Baada ya kumwita na kumpa fursa ya kusikilizwa kwa mujibu wa taratibu, Bodi imejiridhisha pasipo shaka kuwa mwandishi huyo alitoa kauli zenye matusi, kejeli na lugha isiyo ya staha na isiyozingatia mizania kinyume na misingi na maadili ya taaluma ya habari.
 
heading yako ipo kuvuruga vichwa vya msomaji,maudhui yanaseam hivi heading inaleta tafrani unamchosha msomaji,

kwa kifupi hii bodi ya waandishi wa habari ni kama haipo siisiki ikitetea sana waandishi wa habari na stahiki zao,tasnia ya habari inapoteza mvuto
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register