Bongo Celebrities "washangaa"!!!

Habari za kawaida
Posted Date::6/7/2008
Mashabiki Cape Verde wagombea bendera ya Tanzania
Na Saleh Ally, Praia, Cape Verde

MASHABIKI mbalimbali wa soka katika mji huu walionyesha kuwashangaza mashabiki wachache wa Tanzania waliotua mjini hapa, wakiongozana na timu ya soka ya taifa (Taifa Stars) baada ya kugombea bendera za Tanzania.

Mashabiki hao waliojitokeza kwenye Uwanja wa Ndege wa Kimataifa, Praia walifanya kitu cha ajabu na kuwashangaza mashabiki hao wa Tanzania baada ya kuanza kugombea bendera ya Tanzania.

Katika hali isiyokuwa ya kawaida, mashabiki hao waliomba wapewe bendera za Tanzania na baada ya wachache kukabidhiwa wengine walijitokeza na kuanza kugombea bendera hiyo.

Hali hiyo pia ilionyesha kumshangaza Kocha Mkuu wa Stars, Marcio Maximo ambaye alisema hiyo inaweza kuwa nyota njema kwa ajili ya mechi ya jana.

Walipoulizwa mashabiki hao walimjibu mwandishi kuwa wao ni wakarimu kwa kila mtu hivyo si ajabu kwao kubeba bendera ya nchi nyingine na walikuwa tayari kuishangilia Tanzania ili mradi wacheze vizuri.

Juzi maeneo mbalimbali ya mji wa Praia yalikuwa yamechangamka lakini walishangazwa zaidi na Tanzania kutua nchini hapa na ndege yao na ikaendelea kuwasubiri.

Mashabiki hao walitafsiri Tanzania ni nchi tajiri sana na kuwa wamekuwa tofauti na karibu kila nchi iliyokuja kucheza hapa.

Stars iliwasili mjini hapa ikiwa katika ndege ya Air Tanzania ambayo iliwasubiri uwanjani hadi siku ya kuondoka. Ndege hiyo aina ya Boeing 737 ni kubwa kuliko zote zinazomilikiwa na nchi hii.

Click to expand...