Brazil yapitisha Sheria kuzuia Mitandao ya Kijamii kufuta Akaunti na maudhui ya Wateja

[Miss Zomboko]

Rais wa Brazil Jair Bolsonaro ametia saini kanuni ambayo inakusudia kuzuia mamlaka za kampuni za mitandao ya kijamii kufuta akaunti na machapisho.

Kulingana na ripoti ya BBC, Bolsonaro alisema kuwa mabadiliko ya kanuni yanahitajika ili kupambana na kufutwa "kiholela" kwa akaunti za watumiaji.

Bolsonaro pia alisema kuwa kanuni mpya itasaidia kulinda uhuru wa kujieleza wa watumiaji.

Kanuni mpya inalenga kuleta uwazi kwa mamlaka za kampuni za mitandao ya kijamii kudhibiti maudhui.

Kanuni inahitaji wafanyabiashara wakubwa kutoa "sababu yenye msingi na chanzo" kabla ya kufuta akaunti au machapisho.

Wakati wa janga la virusi vya corona (Kovid-19), Twitter na Facebook zilifuta machapisho mengi yaliyoshirikiwa na Bolsonaro na wafuasi wake kwa kuchukuliwa kuwa ya kupotosha.

Mnamo Julai, YouTube iliondoa karibu video 15 kutoka kwa kituo kinachomilikiwa na Bolsonaro kwa madai ya kueneza habari potofu kuhusu Kovid-19.

Mwaka jana pia, Facebook ilitii uamuzi wa Korti Kuu kuzuia akaunti za wafuasi wengi wa Bolsonaro, ambao walituhumiwa kwa kuwasema majaji vibaya.

Bolsonaro tangu wakati huo amewaelekeza wafuasi wake kwa majukwaa mbadala kama Telegram na Parler.

 

[HIMARS]

Mi naona ni sahihi, Big Tech wanataka tupelekesha

Sent using Jamii Forums mobile app

 

[The Assassin]

Safi kabisa. Big tech wanataka kuwaambia watu nini wajadili na nini wasijadili. Lazima tuwe na uhuru wa kujieleza, kila mtu atachuja mwenyewe.

Kwamba kama mtazamo wako hauendani na mtazamo wao basi wanasema unapotosha, wanafungia account ama wanafuta maelezo yako, huu ni udikteta.

Corona na chanjo havieleweki, mtu akisema havieleweki kuna ubaya gani?

Nchi nyingine wafuate mfano wa Brazil.

Niliona pia mwezi May Brazil ilipitisha sheria kua lazima makampuni ya simu yaweke chaja kwenye box la simu na sio kuibia watu kuwauzia simu hazina chaja.

Apple walitangaza kua Iphone 12 hazitakua na chaja na hata Samsung walitangaza S21 hazitakua na chaja, mimi pia ni mhanga wa hili nimenunua S21 utra bila chaja nikaenda kuuziwa chaja bei mbaya separately. Huu wizi wa mitandao usipodhibitiwa tutapangiwa hata cha kuandika.

 

[Mtangoo]

Mi naona ni sahihi, Big Tech wanataka tupelekesha

Sent using Jamii Forums mobile app

Ila kutunga sheria pekee haitoshi. Empower local technology companies. Ili hao wakitaka kuondoka ili kukukomoa wanatoa nafasi kwa local companies ku flourish.

Case study: Facebook na Google na sheria mpya ya Australia