Bungeni: Kamati ya Bunge yazitaja sababu zinazopaisha bei ya mafuta

Bungeni: Kamati ya Bunge yazitaja sababu zinazopaisha bei ya mafuta

beth

beth

JF-Expert Member
Joined
Aug 19, 2012
Posts
3,880
Reaction score
6,368
Kamati ya Bunge ya Nishati na Madini imetaja mambo matatu yanayochangia kupanda kwa bei ya mafuta ikiwemo uwezo mdogo wa maghala ya kupokelea na kuhifadhi mafuta nchini.

Mwenyekiti wa kamati hiyo, Dustan Kitandula ameyasema hayo leo Jumanne Februari 15, 2022 wakati akiwasilisha taarifa ya shughuli za Bunge kwa kipindi cha kuanzia Januari, 2022 hadi Februari 2022.

Amesema bei ya mafuta nchini imekuwa ikipanda mara kwa mara na kusababisha kuongezeka kwa bei ya bidhaa mbalimbali, hali ambayo inapelekea mfumuko wa bei na hivyo kuongeza gharama za maisha kwa wananchi.

Kitandula amesema kuongezeka kwa bei ya mafuta kunachangiwa na sababu mbalimbali ikiwemo kupanda bei ya mafuta katika soko la dunia, changamoto ya miundombinu ya Bandari ya Dar es Salaam na uwezo mdogo wa maghala ya kupokelea na kuhifadhi mafuta nchini.

Ameshauri Serikali kuweka mikakati ya muda mfupi na mrefu ya kuboresha miundombinu ya kupokea mafuta katika Bandari ya Dar es Salaam ili iweze kukidhi mahitaji na kupunguza gharama za kuagiza mafuta nchini.

Pia ameshauri kujenga maghala makubwa ambayo yatahifadhi mafuta zaidi ya mita za ujazo million 1.25.

“Hatua hii itaifanya nchi yetu kuwa ‘hub’ ya biashara ya mafuta kwa nchi zinazotuzunguka na vilevile itawezesha nchi kuagiza mafuta mengi zaidi wakati bei ya mafuta imeshuka katika soko la dunia,” amesema.

Amesema kwa kipindi cha mpito wakati Serikali ikijapanga kujenga sehemu moja ya kupokelea shehena ya mafuta, ghala la kuhifadhi mafuta la TIPER lianze kutumika ili kuondoa tatizo la meli kusubiri kwa muda mrefu kuingia bandarini na kupunguza gharama za ucheleweshaji wa meli.

Vilevile, Kitandula amesema kamati yake imeshauri kuharakisha kukamilisha mabadiliko ya mfumo wa uagizaji wa mafuta kwa pamoja kutoka zabuni ya shehena kwa shehena kwenda zabuni ya bidhaa kwa bidhaa kwa lengo la kuingiza shehena kubwa zaidi kwa kila aina ya mafuta na kupata unafuu wa gharama za uletaji wa mafuta.

“Upo ushindani usio sawa kati ya kampuni za wazawa za uagizaji wa mafuta na kampuni za nje. Kamati inaona kuwa ni muhimu TPDC (Shirika la Maendeleo la Petroli Nchini) na kampuni yake tanzu ya biashara ya mafuta iwezeshwe kimkakati ili iweze kushindana na Kampuni za nje katika uagizaji wa mafuta,” amesema.

Ameishauri Serikali ifanye mapitio ya sharia na kuja na marekebisho ya sheria yatakayowezesha kampuni zilizosajiliwa nchini kupata unafuu utakaoziwezesha kuweza kushindana na kampuni zilizosajiliwa nje ya nchi yetu.

Wameitaka Mamlaka ya Udhibiti wa Nishati na Maji (EWURA) ikamilishe mchakato wa kutunga Kanuni zitakazowezesha uanzishaji wa vituo vya mafuta vijijini kufanyika kwa gharama inayohimilika tofauti na vituo vya mijini.

Ametaka mchakato huo ukamilike kabla ya Mei 2022 ili huduma hiyo muhimu iweze kufika maeneo mengi ya vijijini kwa urahisi.
 
Ni jambo ambalo lilichelewa Sana,serikali makini zote duniani zina hifadhi ya mafuta asa wakati wa shida inapotokea na uondolea wananchi bughudha nyakati wa panda shuka ya bei ya mafuta.
 
kabiriga said:
Ni jambo ambalo lilichelewa Sana,serikali makini zote duniani zina hifadhi ya mafuta asa wakati wa shida inapotokea na uondolea wananchi bughudha nyakati wa panda shuka ya bei ya mafuta.
Click to expand...
Ilitakiwa bei angalau itumike hata kwa miezi 3
 
Huu ni uongo mwingine, bei ya mafuta nchini inachangiwa na bei ya soko la dunia,uiamara wa fedha yetu against usd na kodi za ndani.lini tutaanza kuongea ukweli ?
 
Naona wana push ajenda wizara ijenge matank ya kuhifadhi mafuta. Ili swala bwana njaanuary alileta mezani baada kua waziri.
 
Hii nchi ni ngumu sana waziri wa nishati moja ya mafanikio yake ingekuwa ni kudhibiti bei ya mafuta walu against flactuating market prices tena kwa kufuata ushauri wake mwenyewe.

Alipoteuliwa siku za mwanzo alifanya ziara za M.E akiongozana na mkurugenzi wa TPDC akaja na solution sahihi ya hedging (future contracts) serikali kununua wenyewe in advance kwa bei ya makubaliano ya muda mrefu na wazalishaji kukwepa market shocks, kuongeza storage capacity na hadithi nyingine zenye tija kwa sector.

Baada ya kurudi sijui akawekwa chini na watu wanaonunua mafuta na kupewa chake na mpango wenyewe ata ulipoishia aijulikani tena.

Sasa hivi ile solution yake ya msingi ata aiongelei tena.
 
Kilatha said:
Hii nchi ni ngumu sana waziri wa nishati moja ya mafanikio yake ingekuwa ni kudhibiti bei ya mafuta dhidi ya gharama za kupanda kwa bei ya soko tena kwa kufuata ushauri wake mwenyewe.

Alipoteuliwa siku za mwanzo alifanya ziara za M.E akiongozana na mkurugenzi wa TPDC akaja na solution sahihi ya hedging serikali kununua wenyewe in advance kwa bei ya makubaliano ya muda mrefu na wazalishaji kukwepa market shocks, kuongeza storage capacity na hadithi nyingine zenye tija kwa sector.

Baada ya kurudi sijui akawekwa chini na watu wanaonunua mafuta na kupewa chake na mpango wenyewe ata ulipoishia aijulikani tena.

Sasa hivi ile solution yake ya msingi waziri ata aiongelei tena.
Click to expand...
Waachieni watt wa mjini wajanja wenye chama Chao watule mpaka tubakie mifupa ndipo tutakuja kushtuka
 
Imekuwa Kujenga Kujenga
kwann Isiwe Kuzalisha Nchini
yaani Mkakati wa Kuzalisha Mazao yanayo toa Mafuta
Yaani Miaka yoote Leo Maghala ndio yamekuwa Tatizo
 
Mwanzoni walisema bei zinakuwa juu kutokana na tozo mbalimbali zilizokuwa zinatozwa.
Waliondoa baadhi ya tozo na nyingine wakapunguza lakini mafuta hayakushuka bei kabisa!
Hii nchi nashauri tukodi/kuazima mawaziri toka ulaya or far east watuongoze japo kwa miaka 3!
 
Ufuatao ni mchanganuo wa bei ya mafuta Tanzania kwa kila lita moja ni kama ifuatavyo:

1625678586027.png


Hii inaonesha kuwa zaidi ya nusu ya bei ya mafuta kwa kila lita ni KODI..
Hata wauzaji wa vituo vya mafuta faida yao (Retailers Margin) ni kidogo mno around Tsh 100 per litre.
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register