CAG 2019/20: Mapungufu katika Usimamizi wa Mali za Mamlaka ya Serikali za Mitaa

beth · 2021-11-18T05:53:36+00:00

CAG ameonesha mapungufu yafuatayo katika usimamizi wa mali za Mamlaka ya Serikali za Mitaa; 1. Kutokuwepo kwa Hati za Umiliki wa ardhi zenye thamani ya TZS. 1.14 trilioni katika Mamlaka ya Serikali za Mitaa 27, kutokana na uzembe wa menejimenti za Halmashauri husika kutokupima ardhi zinazozimiliki. Hali hii inaweza kusababisha migogoro kati ya Halmashauri na wananchi kutokana na kuvamia maeneo hayo, 2. Magari 441 na pikipiki 228 zinazomilikiwa na Halmashauri 61 kutokukatiwa bima. Hali hii inaweza kuisababishia Serikali hasara pale inapotokea ajali 3. Magari 727, pikipiki 138 na mali mbalimbali 31 zinazomilikiwa na Halmashauri 113 zimetelekezwa kwa muda mrefu bila matengenezo hivyo kupunguza ufanisi wa kiutendaji na kuingizia Serikali hasara kwa kununua magari na pikipiki nyingine 4. Kutokuwekwa namba za utambulisho na kutohifadhiwa vyema kwa mali za kudumu zenye thamani ya TZS. 2.81 bilioni zilizonunuliwa na Mamlaka ya Serikali za Mitaa 18 hivyo kufanya mali hizo kutotambulika kirahisi na kuwa na hatari ya kupotea , na 5. Mali za kudumu, zikiwemo mashine za kufulia na fotokopi, tofali, nondo, vifaa vya hospitali na kompyuta zenye thamani ya TZS. 1.92 bilioni zilizonunuliwa na Mamlaka ya Serikali za Mitaa 10 hazitumiki. Athari Mapungufu haya yanaweza kupelekea upotevu wa mali za Halmashauri na kukosekana kwa thamani ya fedha katika ununuzi wa mali hizo. Pia, ukosefu wa hati za umiliki wa maeneo ya Halmashauri inachangia kuongeza migogoro ya ardhi katika Halmashauri husika. Ushauri: WAJIBU inashauri yafuatayo; 1. Halmashauri husika kufanya uhakiki wa mali zake zote na kuziingiza kwenye rejesta ya mali za kudumu na kuzitumia kikamilifu ili kuwepo na thamani ya fedha 2. Menejimenti za Halmashauri zihakikishe zinapima ardhi zinazomiliki kwa madhumuni ya kupata hati za umiliki kwa usalama wa ardhi hizo 3. OR – TAMISEMI iwachukulie hatua za kinidhamu wahusika waliosababisha uzembe wa kutopima maeneo yanayomilikiwa na Halmashauri, na 4. Halmashauri zihakikishe zinakatia bima magari, pikipiki, mitambo na mali nyingine zinazomiliki. WAJIBU INSTITUTE

Thread starter beth
Start date Nov 18, 2021
Tags

cag mamlaka mapungufu serikali serikali za mitaa usimamizi

beth

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

CAG 2019/20: Mapungufu katika Usimamizi wa Mali za Mamlaka ya Serikali za Mitaa

beth

JF-Expert Member

Our Community

Regional Communities