Stephano Mgendanyi
JF-Expert Member
- May 16, 2020
- 2,833
- 1,301
▪️Kukutana na Mabalozi zaidi ya 2000
▪️Mabalozi wagawiwa vitendea kazi
▪️Mwenyekiti Mamba awataka kuhimiza wanaCCM kushiriki uchaguzi
▪️Mbunge Mavunde awahimiza kuhakikisha ushindi wa CCM
𝐃𝐎𝐃𝐎𝐌𝐀
Chama cha Mapinduzi(CCM) wilaya ya Dodoma Mjini kimeanza mikutano ya ndani ya kuwajengea uwezo wenyeviti wa mashina(Mabalozi) kuelekea Uchaguzi wa serikali za mitaa kupitia mafunzo na elimu juu ya umuhimu wa kushiriki uchaguzi kikamilifu.
Mikutano hiyo inayofanyika kitarafa inawakutanisha mabalozi zaidi ya 2000 wa kata mbalimbali ambapo mabalozi wamepata fursa ya kupewa elimu ya uchaguzi na kujengewa uwezo katika masuala ya uchaguzi ikienda sambamba na ugawaji wa vitendea kazi.
Soma Pia:
- Yanayojiri kuelekea Uchaguzi wa Serikali za Mitaa Mkoa wa Dodoma 2024
- LGE2024 - TAMISEMI: Jumla ya vijiji 12, 333, mitaa 4,269 na vitongoji 64, 274 vitashiriki uchaguzi wa Serikali za Mitaa Novemba 27, 2024
Mwenyekiti wa CCM wa Wilaya ya Dodoma Mjini Cde Charles Mamba leo ameongoza mkutano wa mabalozi kwa Tarafa ya Kikombo katika mkutano uliofanyika katika ya Ihumwa na kuwahimiza mabalozi hao kuhakikisha wanaCCM wengi wanajitokeza kushiriki uchaguzi na kuchagua viongozi ifikapo tarehe 27.11.2024.
“Tumefanya vizuri kwenye kujiandikisha kwenye daftari la wakazi,sasa twendeni tukashiriki kwa uwingi kwenye uchaguzi wa serikali Za mitaa ili huko nako tufanye vizuri“ Alisema Mamba
Mbunge wa Jimbo la Dodoma Mjini, Mhe. Anthony Mavunde amewapongeza mabalozi kwa kazi nzuri waliyofanya ya kuhamasisha uandikishaji wa daftari la wakazi na kuwataka kutumia ushawishi mkubwa zaidi kushawishi ushiriki wa idadi ya wanaCCM ili kuwezesha CCM kushinda kwa kishindo katika uchaguzi huo wa serikali za mitaa.
Uongozi wa CCM Wilaya umemshukuru Mbunge Anthony Mavunde kwa kuchangia vitendea kazi kwa mabalozi ikiwemo sare 2000 na bendera 2000 kwa mabalozi wote wa Jimbo la Dodoma Mjini
