Yaani 2015 Chadema ilikuwa chupuchupu kuchukua nchi na walisema kuwa waliibiwa kura zote, lakini leo dalili zote zinaonyesha kuwa Chadema inaweza kuporomoka hata kuwa kama chama cha NCCR MAGEUZI kuwa na mbunge 1 kama James Mbatia au hata kukosa kabisa mbunge.
Watafiti wa mambo ya siasa za Tanzania wamesema huenda hal ikazidi kuwa mbaya zaidi katika chama hicho hasa kutokana na uwanja wa siasa kubadiliswa.
Tafiti zinasema kuwa kitendo cha chama hicho kuachana na sera yao ya kupambana na ufisadi (Kamata Mwizi Man) na kuwa kinyume chake imeanza kupoteza mvuto katika medani za siasa.
Watafiti wanasema kutoka sera ya kupambana na wezi hadi sera ya kupinga kilakitu hili liliwatoa kabisa katika mstari.
Watafiti hao wamewatupia lawama nyingi wasomi waliokuwemo katika chama hicho kama Prof. Baregu, Dr. Mshingi na wengine kushindwa kutoa ushauri wao wa kisomi kwa taasisi hiyo.
Mathalani, watafiti walijaribu kusema kuwa viongozi na wasomi hao walishindwa pia kusoma alama za nyakati kwa kumstadi adui badala yake waliendelea na siasa za maandamano, kauli nzito na tete, matumizi ya maneno yasiyo poozwa (mitusi) na kila namna walizofanya wakati wa awamu ya 4.
Watafiti wameongeza kuwa wakati wa awamu ya 4 chama kilikuwa kinabuni mbinu nyingi sana za kupenya katika siasa za kushindana na CCM kama sera ya kupambana na mafisadi, kufanya maandamano, slogani ya Peoples' Power, Chadema msingi, kurusha helikopta na nyingine nyingi. Lakini cha kushangaza walipoingia awamu ya 5 wakaingia na zilezile wakati mazingira yanakataa. Watafiti wanasema wameshindwa kujua ule ubunifu ulifia wapi.
Watafiti hao waliendelea kudadavua kuwa kushindwa au kuchelewa kwa kufanyika uchaguzi ndani ya chama hicho cha kidemocrasia pia imetia dosari kubwa, kwani hata jina la chama ni chama cha demokrasia tupu na si vinginevyo.
Mwisho walimalizia kwa kusema kuwa mengine ni madogo sana lakini yanaleta maswali mengi katika jamii kwa chama kikuu cha upinzani kukosa ofisi yenye hadhi na kuendelea kukodisha nyumba mtaa wa Ufipa, hili walilisema.