Chama cha Denokrasia na Maendeleo (CHADEMA) kimemwandikia barua Katibu Mkuu wa Umoja wa Mataifa (UN), António Guterres, kikieleza wasiwasi wake juu ya iwapo mwakilishi waliyekutana naye, Parfait Onanga-Anyanga, alitumwa rasmi na ofisi yake kufuatilia matukio ya kabla na baada ya Oktoba 29, 2025 au la.
Onanga-Anyanga alikuja nchini wiki moja iliyopita na alizungumza na viongozi wa Serikali akiwamo Rais SSamia Suluhu Hassan, mawaziri akiwamo Waziri wa Mambo ya Nje na Ushirikiano wa Afrika Mashariki, Mohamed Thabiti Kombo na vyama vya siasa vya CCM, CHADEMA, ACT Wazalendo.
Katika kikao chao CHADEMA wakiwakilishwa na Katibu Mkuu, John Mnyika na Mwanasheria Mkuu wa chama hicho, Dk Rugemeleza Nshala, walieleza malalamiko yao kuhusu hali ya siasa nchini, ikiwamo chama hicho kuzuiwa kufanya kazi, vurugu za Oktoba 29, 2025 na kuhusu kesi ya Mwenyekiti wao, Tundu Lissu.
Hata hivyo katika barua hiyo iliyosainiwa na Mkurugenzi wa Mambo ya Nje na Diaspora, John Kitoka, imeeleza waswasi kuhusu hali ya kutokuwa na upendeleo katika mchakato unaoongozwa mwakilishi huyo wa UN, Parfait Onanga-Anyanga, wakitaja uhusiano wake wa awali wa kikazi na Asha-Rose Migiro, ambaye kwa sasa ni Katibu Mkuu wa CCM.
“Ingawa hatudai kuwepo kwa ushawishi wa moja kwa moja, uhusiano huo unaibua wasiwasi halali kuhusu imani ya umma katika mchakato unaoongozwa na Parfait Onanga-Anyanga.
Kwa kuzingatia hilo, CHADEMA wameomba UN iwezeshe kuundwa kwa Tume Huru ya Umoja wa Mataifa ya Uchunguzi wa Ukweli (Fact-Finding Mission), itakayoundwa na wanasheria na wataalamu mashuhuri kimataifa, ikiwa na jukumu la kubaini ukweli kuhusu matukio ya vurugu yaliyotokea Oktoba hadi Novemba 2025, pamoja na mwenendo mpana wa upotevu wa watu kwa nguvu (enforced disappearances) tangu mwaka 2015.
“Tunaamini kuwa mchakato unaojengwa juu ya ukweli, uwajibikaji, maridhiano na mageuzi ya kidemokrasia—kama ilivyowahi kushuhudiwa katika nchi kama Kenya na South Africa—unaweza kuwa njia bora kwa Tanzania kuelekea haki kwa waathirika na utulivu wa kudumu wa taifa,” imesema barua hiyo.
MY TAKE:
Nani yupo nyuma ya hii michezo michafu?
Je, hii michezo itamuokoa Samia Suluhu dhidi ya damu za Mashujaa waliokufa 29 Oktoba 2025?
Mheshimiwa António Guterres, 29 Oktoba 2025, Watawala waliua Watawaliwa ili kulinda Ulaji. Yaani Serikali iiliua wate wake ili Samia asipingwe.
CHADEMA walijipinda kutema nyongo kumbe wanampa maoni ayapeleke kwa tume ya feki ya Samia Suluhu Hassan inayoongozwa na Jaji Mkuu Mstaafu wa Mahakama ya Tanzania, Mohamed Othman Chande😭😭😭