DOKEZO Dampo lisilo rasmi ni hatari kwa afya zetu Wananchi wa Chamazi Dovya, viongozi wa Mtaa hawatusikilizi

[Anonymous]

Mtaani kwetu maeneo ya Chamazi Dovya kwa Nzala jirani na Shule ya JB (Dar es Salaam) kuna dampo ambalo sio rasmi, limekuwa kero kwa muda mrefu kwa sisi wakazi wa maeneo hayo, pia lina athari nyingi kiafya na uchafuzi wa Mazingira kwa sisi tuliojenga karibu na eneo hilo.

Tumepeleka malalamiko yetu kwa Mwenyekiti wa Mtaa mara nyingi tu lakini hatuoni utekelezaji wowote wa kusitisha. Huu ni mwaka wa pili tangu dampo hilo lianzishwe, kuna muda tukipiga kelele wanasimama kidogo kisha baada ya muda wanaendelea kama kawaida.

Malalamiko hayo tumeshafikisha hadi kwa Mbunge wetu lakini hakuna alichofanya.

Baraza la Taifa la Hifadhi na Usimamizi wa Mazingira (NEMC) fikeni eneo hilo, wakazi wa maeneo hayo tuna hali mbaya, tunapoelekea kuna uwezekano wa kuibuka kwa mlipuko wa magonjwa mbalimbali kutokana na uchafu uliopo.

 

[Pang Fung Mi]

Tukiwaambia DSM imejaa maskini tupu asilimia 85% mnakataa angalia hayo makazi ya Vibwengo, kunguni na majini endeleeni kupauka DSM hovyo kabisa.

 

[Kayugumis]

NEMC mko wapi? Waamsheni wamelala.

 

[Sean Paul]

Tukiwaambia DSM imejaa maskini tupu asilimia 85% mnakataa angalia hayo makazi ya Vibwengo, kunguni na majini endeleeni kupauka DSM hovyo kabisa

Watu wa vijijini wananuka njaa kwa asilimia zaidi ya Dar. Wewe kama unaishi huko na umefanikiwa kuwa na kipato, relax fanya yako. Watu wa Dar hutuwezi tuache.