Katibu Tawala wa Wilaya ya Mvomero, Said Nguya amewasisitiza wazazi kuwa hakuna akili za kurithi kwa mtoto, sababu uwezo wa akili hutokana na lishe bora tangu mama anapopata ujauzito.
Nguya ameyasema hayo Jumapili Septemba Mosi, 2024 alipokuwa akizungumza na wazazi, walimu na wanafunzi kwenye mahafali ya Shule ya Msingi Kwa Muhuzi iliyopo Dakawa wilayani Mvomero, Mkoa wa Morogoro.
Nguya amekemea pia tabia ya baadhi ya wazazi kutowahimiza watoto wao kwenda shuleni badala yake huwatumikisha kazi za kulima mashamba ya mpunga.