Demokrasia katika ngazi ya Serikali za Mitaa huanza kwa ushirikishwaji wa Wananchi katika Mipango ya Maendeleo

[JamiiTalks]

Ushirikishwaji wa Wananchi katika upangaji na utekelezaji wa mipango mbalimbali ya maendeleo katika Mtaa, hupelekea Wananchi kuwa na dhamana ya;

Kudhibiti Matumizi ya Rasilimali Katika Serikali za Mtaa kwa:-

➢ Kupitia vikao mbalimbali kama Viongozi na Wananchi wa kawaida.
➢ Kuhoji utendaji wa Viongozi wao kupitia vikao mbalimbali.
➢ Kwa kuwataka Viongozi wao kuwa wawazi juu ya mapato na matumizi na katika kuamua juu ya rasilimali mbalimbali za Mtaa.

Kuwadhibiti Viongozi wa Serikali za Mtaa kwa:-

➢ Kutochagua Viongozi wasio waadilifu na kuchagua Viongozi waadilifu.
➢ Kuwaondoa madarakani Viongozi wasio waadilifu kwa njia ya vikao halali kabla ya uchaguzi.
➢ Kuhoji utendaji wa Viongozi wao katika vikao mbalimbali vya kisheria wao wenyewe au kupitia wawakilishi wao.
➢ Kuhakikisha kuwa kuna uwazi katika uendeshaji wa shughuli za Serikali ya Mtaa.