Dunia yaenda kombo

Ndimi mimi Kitumbika, mtunzi wa mashairi,
moyoni nafadhaika, kuitunza hii siri,
leo ndiyo natamka, nitasema sighairi,
dunia yaenda kombo, zichukuliwe hatua.

kuna vita kila kona, watoto wawa yatima,
kwa wakubwa na vijana, majumbani wamehama,
duniani wauwana, wanayumbishwa na vyama,
dunia yaenda kombo, zichukuliwe hatua.

inarindima mitutu, hofu imeongezeka,
imefanya hawa watu, wazidi kuhangaika,
na vita vikome katu, utulivu kujengeka,
dunia yaenda kombo, zichukuliwe hatua.

Denny Jeremias Kitumbika
mtunzi wa mashairi na ngano za Kiafrika
Mufindi Tanzania 19/11/2023

Una kitu, kaza buti utafika.