Dunstan Kitandula: Barafu inapungua mlima Kilimanjaro kutokana na kuongezeka kwa joto la Dunia

Roving Journalist · 2024-08-28T08:47:03+00:00

Serikali kwa kushirikiana na wadau mbalimbali wa misitu imezindua kampeni ya kupanda miti zaidi ya Bilioni moja katika mikoa ya kaskazini ili kunusuru barafu ya Mlima Kilimanjaro. Kampeni hii ya upandaji miti inakwenda sambamba na utekelezaji wa mikakati ya kupanda zaidi ya miti milioni 8 kwa mwaka katika Mkoa wa Kilimanjaro, utoaji elimu kwa umma kuhusu upandaji miti, na uhifadhi wa mazingira kupitia vipindi vya redio, televisheni, matamasha na maadhimisho mbalimbali ya kitaifa na kimataifa. Naibu Waziri wa maliasili na Utalii, Dunstan Kitandula ameyasema hayo alipokuwa akijibu swali la Mhe. Prof. Patrick Alois Ndakidemi Bungeni Moshi Mjini aliyetaka kujua Serikali imechukua hatua gani za muda mfupi, wakati na muda mrefu kunusuru theluji inayotoweka katika kilele cha Mlima Kilimanjaro. Aidha, Kitandula alisema kuwa sababu kubwa ya kupungua kwa theluji katika Mlima Kilimanjaro ni ongezeko la joto duniani kutokana na mabadiliko ya Tabia nchi yanayochangiwa na ongezeko la shughuli za kibinadamu hususan ukataji wa miti, kilimo, uchomaji moto katika maeneo yanayozunguka mlima, uwepo wa mvua chache na vipindi virefu vya ukame, na upepo mkavu kutoka bahari ya Hindi. Mhe. Kitandula aliongeza kuwa kwa mikakati ya muda wa kati Serikali inajielekeza katika kuhimiza matumizi bora ya ardhi na kuimarisha ulinzi katika maeneo yanayozunguka Mlima Kilimanjaro na kutekeleza mipango ya kudhibiti na kupambana na uchomaji moto mlimani. Aidha, kwa upande wa mikakati ya muda mrefu, Kitandula alilieleza bunge kuwa Serikali inaendelea kushirikiana na mashirika ya kikanda na kimataifa kutekeleza mikakati ya pamoja ya kuhimili na kukabiliana na mabadiliko ya tabia nchi ikiwa ni pamoja na kuboresha teknolojia za kilimo, kuongeza ufanisi wa matumizi ya maji, kupunguza uzalishaji wa gesi chafu na kurejesha mifumo ikolojia kwenye mlima na maeneo yanayozunguka.

Thread starter Roving Journalist
Start date Aug 28, 2024
Tags

barafu dunia joto kilimanjaro kuongezeka mlima mlima kilimanjaro

Roving Journalist

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Dunstan Kitandula: Barafu inapungua mlima Kilimanjaro kutokana na kuongezeka kwa joto la Dunia

Roving Journalist

JF Roving Journalist

Our Community

Regional Communities