Hakuna pigo linaloweza kumvunja mwanamume vipande vipande kama kujitoa kwa 100% kwa mwanamke unayemwamini na kumpenda, halafu mwisho wa siku anakunyima hata sehemu ya kulala kwenye nyumba uliyoijenga kwa jasho lako mwenyewe.
Hiki ni kisa cha kweli cha aliyekuwa mchezaji wa timu ya taifa ya Ivory Coast na klabu ya Arsenal, Emmanuel Eboué.
Eboué alitoka kwenye umaskini mwingi Afrika na kufanikiwa kupiga soka la kulipwa Ulaya. Alipata mamilioni ya Dola (zaidi ya Shilingi Bilioni 20 za Kitanzania) akiwa Arsenal na Galatasaray. Kwa sababu alimwamini mke wake Mzungu (Aurélie) kwa 100% na akijua "sisi ni mwili mmoja", Eboué alimwachia mke wake asimamie akaunti zote za benki, hati za nyumba, na mikataba yote ya kifedha kwa sababu yeye mwenyewe hakuwa na elimu kubwa ya mambo ya kisheria.
Kila dola aliyopata uwanjani, aliiweka kwenye mikono ya mke wake. Alinunua majumba ya kifahari, magari, na kuwekeza kila kitu kwa jina la mke wake au kwa ushirika ambao mke alikuwa na mamlaka kamili.
Lakini kimbunga kilipopiga...
Mpira ulipomkataa na mpango wa soka kuisha, mke wake alifungua kesi ya talaka. Mahakamani, kwa kuwa hati zote za nyumba na akaunti zilikuwa zimeandikwa kwa majina ya mke au zimesimamiwa naye, mahakama iliamuru mali ZOTE za Eboué, ikiwemo nyumba yake ya kifahari ya Uingereza na fedha zote za benki, zipewe yule mwanamke!
Eboué alibaki hana hata mia mbovu mfukoni.
Pigo lililoumiza zaidi: Yule mwanamke alimwamuru Eboué aondoke kwenye hiyo nyumba mara moja. Eboué alilazimika kukusanya nguo zake kwenye mifuko ya Plastiki (gym bags), akaanza kulala chini kwenye sakafu ya nyumba ya rafiki yake, akiosha nguo zake kwa mikono kwa sababu hakuwa na hata pesa ya kununua sabuni au mashine ya kufua.
Mchezaji aliyekuwa anashangiliwa na maelfu ya mashabiki viwanjani, alibaki anawaza kujiua kwa sababu tu ya kuamini kupitiliza kwenye mapenzi.
Upendo Sio Ujinga Kwenye Mali Na Sheria Kumpenda mwanamke au mkeo haimanishi uwe kipofu kwenye masuala ya kisheria na umiliki wa mali. Mwanamume lazima uwe na uelewa na udhibiti wa mali zako na mambo yako ya kifedha. Usikabidhi maisha yako yote na jasho lako mikononi mwa mtu mwingine kisa tu mpo kwenye mahusiano.
Hisia Zikibadilika, Sheria Ndio Inayobaki Hisia za binadamu zinabadilika. Mtu anayekwambia "nakupenda" leo, kesho anaweza akakugeuka na kutumia sheria au udhaifu wako kukumaliza kabisa. Penda kwa moyo wako wote, lakini tumia akili yako kulinda hatima na jasho lako la miaka mingi.
Maumivu Ya Mwanamume Aliyeangushwa Na Mapenzi Ni Mazito Unapovunjika moyo kiasi cha kupoteza kila kitu ulichopambania, ni rahisi kukata tamaa na kuona dunia imefika mwisho. Lakini kama upo kwenye jaribio hilo au maumivu ya kusalitiwa leo, jua kuwa uzima na uhai wako bado ni wa thamani. Anza upya, jifunze kutokana na makosa, na simama tena kiume.
Mapenzi ni kitu kitamu sana yakipatikana kwa mtu sahihi, lakini yanaweza kuwa sumu kali mno yakikufikisha kwenye usaliti na majuto. Mwanamume: penda, hudumia, na heshimu mwanamke wako lakini kamwe usifunge macho yako kwenye mambo ya msingi yanayolinda maisha yako!