Fahamu sababu za upweke na madhara yake

boniuso · 2021-06-28T05:20:57+00:00

FAHAMU SABABU ZA UPWEKE NA MADHARA YAKE Hisia za upweke huwa zinakuja pale unapohisi kuna kitu huna ili uweze kuwa na furaha Kitendo cha kutamani vitu kutoka nje yako ili uweze kuwa na furaha husababisha huzuni na hasira Unaweza kutamani kuwa na mtu karibu,kuwa na kipato kadhaa,kazi fulani,kuwa sehemu tofauti ili uweze kuwa na furaha lakini vyote kwa ujumla unakosa na kujisikia upweke kupita kiasi Zipo sababu za watu kuwa na upweke nazo ni KUPITIA MAHUSIANO MABAYA Kuna watu wamekuwa na marafiki ,mke au mume au mazingira ya kazi ambayo kwa kiasi kikubwa yamegubikwa na manyanyaso sana hivyo wamezoa manyanyaso mpaka hawana uwezo wa kuondoka na kwenda kwengineko Kitendo cha kuvumilia maumivu makali ya matusi,dhihaka,kejeli, mafumbo, vijembe,lawama, kukosolewa, kuzomewa kwa muda mrefu hujenga hisia za kujichukia mwenyewe Kitendo cha kujichukia mwenyewe huzidisha maumivu ndani kwa ndani kiasi cha kukuzuia kufurahia vile upo navyo badala yake unafikiria sana vile huna Kuwa na mahusiano ya upande mmoja husababisha mtu mmoja kuwa na bidii sana ya kuhakikisha mahusiano yaanadumu huku mwengine hana habari wala hajali chochote Kitendo cha kuishi na mtu hajali chochote kuhusu hisia zako hufanya mtu mwenye juhudi sana kuishi kwenye majuto,mawazo,hasira, kuchanganyikiwa, kupoteza matumaini ya kupendwa Hisia za upweke huwa zinazidi hasa unapozoea kuona au kusikia maneno fulani kutoka kwa mwenzio 2. KUTEGEMEA 50/50 KUTOKA KWA WENGINE Kama unaishi na mtu unampenda sana na yeye anakupenda sana hisia za upweke huwa zipo sanaa hasa nyakati ambazo unakuwa unamuhitaji sana mwenzio huku yeye akiwa na vipaumbele tofauti Hisia za upweke huwa zinaongezeka kama umezoea kuona sms au kupigiwa simu kisha unaishi huoni sms wala kupokea simu, Hisia za upweke huwa zinazidi kama umezoea kumwambia mwenzio maneno mazuri na yeye anakurudia maneno mazuri Hisia za upweke huwa zinakuja kama kile kizuri unamfanyia mwenzio unatarajia akufanyie na wewe Hisia za upweke huwa zinakuja kama unawajali sana wengine huku unataka wao wafanye kwako kwa 50/50 Haijalishi mtu unampenda sana na yeye anakupenda sana kiasi gani ikifika hatua kuwa furaha yako unategemea maneno ya umpendae lazima upate hisia za upweke Furaha ya kweli haipo kwenye mahusiano yako, haipo kwenye pongezi, haipo kwenye maneno mazuri ya wengine, haipo kwenye kazi yako, haipo kwenye matokeo mazuri ya matarajio yako Kitu chochote ambacho pesa inaweza kununua hakiwezi kukupa furaha ya kudumu. Kama umeweka furaha yako kwenye kitu kimoja basi kitu hicho kutakutesa sana Ukiweka furaha yako kwenye biashara, kazi, ndoa, watoto, pesa, simu, gari, nguo, muonekano wa sura yako na maumbile yako vyote hivyo huathiriwa na mabadiliko ya mazingira Furaha yako haitakiwi kuegemea kwenye vitu vinavyoweza kukumbana na vikwazo kutoka nje. Furaha ya kweli ipo kwenye kuelekeza fikra zako kwenye vitu tofauti tofauti kila unapoona sehemu ulitarajia furaha imekuwa tofauti Wabunifu huwa wenye furaha sana kuliko watu wote kwa sababu wao huchukulia kila mpango au matarajio yenye kwenda tofauti kama fursa mpya ya kujifunza. 3. KUWAPA WATU WENGINE MAAMUZI YA KUKUPA FURAHA Kama furaha yako huwa inategemea maamuzi ya wengine huwezi kuwa na furaha kama watafanya maamuzi tofauti na matarajio yako Kama furaha yako inategemea watu wengine wanavyokutendea huwezi kuwa na furaha Furaha haiwezi kutegemea vitu kutoka nje yako kwa sababu kuna sababu nyingi sana za kukuzuia usifanikiwe kuipata kama vile ahadi kuvunjwa, kazi umetuma maombi kuikosa, Ombi la msaada kukataliwa Unaempenda anaweza kuondoka na kwenda kumpenda mwengine Sura yako inaweza kupata dosari labda magonjwa ya ngozi au kuzeeka Watu wanaokusifia wanaweza kukaa kimya ghafla Watu unaowajali hisia zao na matarajio yao kwako yakiwa tofauti wataacha kuwa karibu yako Anasema Dr. Viktor Franklin muhanga wa mauaji ya Auschwitz wakati wa Hitler kuwa "between stimulus and response there is a space of our choice to respond" Kwamba baina ya mabadiliko au taarifa kutoka nje yetu kuna fursa ya sisi kuchagua maamuzi ya kufanya Watu wanaweza kukuweka gerezani lakini hawawezi kuiweka akili yako gerezani Watu wanaweza kukuweka kizuizini lakini hawawezi kukuzuia kufikiri Dr. Viktor Franklin akiwa kwenye mateso ya Hitler alishuhudia mama yake mzazi,baba yake,mkewe,kaka yake wote walichomwa moto kwenye gesi Alipitia mateso makali sana lakini alichukuliwa ile ni fursa kwake ya kujijenga kiakili Aligundua kwamba binadamu anaweza kukutesa lakini hawezi kuitesa akili yako Kama kuna mtu tabia yake huipendi na wewe huna furaha kwa sababu ya tabia zake wewe ndio mwenye makosa sio yeye kwa sababu hajakulazimisha ufikirie mabaya yake bali wewe Bado uhuru wa kufikiri upo kwako hata ukiwa kwenye maumivu na mateso ndio sababu wapo hujiua kwa kupoteza kazi au kufumania wenza wao huku wapo waliokaa gerezani miaka 30 wakiwa na furaha na upendo kwa wengine mfano Nelson Mandela,Malcom X 4. KUISHI KWENYE MAISHA YA ZAMANI Kuishi kwenye majuto ya makosa yako, kutamani siku za nyuma zirejee, kuendelea kuvumilia maumivu ya tabia za wengine Kuogopa kukataliwa kama utaanzisha mahusiano mapya,hofu ya kukataliwa na wengine kwa sababu za mapungufu yako Kuacha kujaribu vitu na fursa mpya kwa kuzoea zile za siku zote na kuogopa changamoto mpya Kuishi na watu wenye kukuchukia huku haupo tayari kujitenga nao wala kukutukana na watu tofauti tofauti Kuishi huku ukivuta kumbukumbu za miaka iliyopita kama vile ulipitia mateso, manyanyaso,ubaguzi,ajali, kumpoteza umpendaye, Vitu vya kukusaidia 1. Jipende sana kuliko siku zilizopita hata kama huna pesa, kazi, cheo, umaarufu, muonekano mzuri au sura nzuri Tajiri namba moja duniani sio mwenye furaha kuliko watu wote duniani Tajiri namba moja duniani sio mwenye sura nzuri kuliko watu wote duniani Tajiri namba moja duniani sio mwenye kupendwa sana kuliko watu wote duniani Tajiri namba moja duniani sio mwenye akili sana kuliko watu wote duniani Tajiri namba moja duniani sio mwenye mke mzuri kuliko watu wote duniani Tajiri namba moja duniani sio mwenye afya nzuri kuliko watu wote duniani Maana yake hata kama utakuwa na kitu kizuri ambacho watu watakipenda bado huwezi kuwa na kila kitu 2. Shukuru sana kwa hali unapitia Kuichukia hali unapitia haiwezi kukusaidia chochote zaidi utaendelea kuteseka 3. Saidia watu kisha ondoa matarajio kwao kwa sababu unapoweka MATARAJIO kwa watu ndio unapovunjwa moyo "Expect nothing accept everything,focus on what you can control and let go what you can't control" Kupata kitabu cha 1. UTULIVU WA AKILI KIPINDI KIGUMU (Softcopy) 2. FIKRA ZAKO FURAHA YAKO (softcopy) 3. TIBA YA MSONGO WA MAWAZO (hardcopy & softcopy) 4. BADILI FIKRA ZAKO BADILI MAISHA YAKO (hardcopy & Softcopy) 5. MALEZI YA UBONGO KISAYANSI( hardcopy & softcopy) 6. TABIA ZA WATU WALIOFANIKIWA (Hardcopy & softcopy) 7.MISINGI 10 YA FURAHA SIKU ZOTE (hardcopy &softcopy) +255766862579 +255622414991 Imeandikwa na Psychologist Said Kasege Temeke,Dar es salaam

Thread starter boniuso
Start date Jun 28, 2021
Tags

madhara sababu upweke

boniuso

JF-Expert Member

Jun 28, 2021

kanonb

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Fahamu sababu za upweke na madhara yake

boniuso

JF-Expert Member

kanonb

JF-Expert Member

Our Community

Regional Communities