LGE2024 Gambo aonya wenyeviti wa Serikali za mitaa kutumia mihuri ya serikali kujinufaisha

[Mkalukungone mwamba]

Mbunge wa Arusha Mjini, Mrisho Mashaka Gambo, ameongoza wanachama na wafuasi wa Chama Cha Mapinduzi (CCM) katika uzinduzi wa kampeni za uchaguzi wa serikali za mitaa katika jimbo lake, akisisitiza umuhimu wa uwajibikaji na utumishi wa kweli kwa wananchi.

Akizungumza wakati wa kampeni hizo, Gambo amewataka wenyeviti wa serikali za mitaa watakaoshinda katika uchaguzi huo kutekeleza majukumu yao kwa uwazi na uadilifu, badala ya kujinufaisha kupitia mihuri ya serikali.

Mbunge huyo ameeleza kuwa mwenyekiti wa serikali ya mtaa hana mishahara rasmi bali anapata posho, hivyo ni muhimu kwa wagombea kuelewa kuwa nafasi hiyo si ya kutafuta maslahi binafsi.

Soma Pia:

• Special Thread: Orodha ya Mijadala ya Mikoa yote Tanzania Bara inayoshiriki katika Uchaguzi wa Serikali za Mitaa 2024
• Arusha: Mrisho Gambo amuahidi Rais Samia kulinda mitaa kwenye Uchaguzi Wa Serikali Za Mitaa ili kutengeneza jeshi kwenye Uchaguzi Mkuu

Gambo amesisitiza wenyeviti wa serikali za mitaa kuwa kipaumbele chao kiwe kuwasemea, kusikiliza, na kutatua changamoto za wananchi katika maeneo yao. Ameeleza kuwa kazi ya mwenyekiti ni kuongoza na kuwakilisha maslahi ya wananchi, badala ya kujihusisha na siasa za maslahi binafsi.

Aidha, Gambo ametoa wito kwa wenyeviti hao kuhakikisha kuwa vijana, wanawake, na watu wenye ulemavu katika mitaa yao wananufaika na mikopo inayotolewa na halmashauri ya Jiji la Arusha.

 

[johnthebaptist]

Leo 😂😂🐼