Kwanza, kudai kwamba Uislamu unazungumzia “pono na bikra 72 tu” ni hoja dhaifu sana (strawman argument). Qur'an ina aya zaidi ya 6,000 zinazozungumzia tawhidi, maadili, haki, uchumi, elimu, sayansi ya kutafakari maumbile, na uwajibikaji wa mwanadamu. Kupunguza dini nzima kwenye simulizi moja ni ama ujinga au upotoshaji wa makusudi.
Pili, kusema “Allah hayupo” si hoja ya kisayansi bali ni msimamo wa kifalsafa. Sayansi huchunguza jinsi vitu vinavyofanya kazi, si kwa nini kuna kitu badala ya kutokuwepo kitu. Hata nadharia ya Big Bang haijibu chanzo cha uwepo , inaeleza mwanzo wa upanuzi wa ulimwengu unaoonekana. Swali la chanzo cha sheria za fizikia na uwepo wa kitu badala ya utupu bado lipo.
Unaposema Qur’an haizungumzii Big Bang, hiyo si kweli kabisa. Aya inayosema mbingu na ardhi zilikuwa kitu kimoja kisha zikatenganishwa haidai kuwa ni kitabu cha fizikia, bali ni ishara ya asili ya ulimwengu kuwa na mwanzo mmoja. Hata wanasayansi wakubwa kama Georges Lemaître — aliyependekeza nadharia ya Big Bang alikuwa padre. Hivyo kuamini Mungu na kukubali cosmology ya kisasa si vitu vinavyopingana.
Swali lako “kama Allah ndiye mwanzilishi wa muda na maada, nani aliyemwanzisha Allah?” lina tatizo la kimantiki. Kama muda ulianza na uumbaji, basi kuuliza “kabla ya Mungu” ni sawa na kuuliza “kaskazini mwa North Pole ni wapi?” — ni swali lisilo na muktadha. Kwa ufafanuzi wa kitheolojia, Allah si kiumbe ndani ya muda; Yeye ndiye sababu isiyosababishwa (Necessary Being). Huwezi kumuweka Muumba ndani ya mfumo aliouumba.
Kuhusu utumwa na ukoloni, historia haiko upande wako kama unavyodhani. Nchi zilizofanya biashara ya utumwa kwa kiwango kikubwa zilikuwa za Ulaya za Kikristo kisha zikaja kuzalisha falsafa ya Secular humanism baada ya mapinduzi ya kielimu. Lakini kabla ya hapo, Uislamu uliweka mfumo wa kupunguza na kuondoa utumwa kwa njia ya hatua kwa hatua karne nyingi kabla ya Ulaya kuamka. Leo hakuna mfumo mkamilifu; hata mataifa yanayojitangaza kuwa ya “human rights” bado yana vita, ubaguzi na unyonyaji wa kiuchumi.
Hoja ya msingi hapa ni hii, kutokubaliana na dini hakufanyi dini iwe ya kijinga. Na kuamini sayansi hakumaanishi lazima ukatae uwepo wa Mungu. Sayansi inaeleza mechanism. Dini inaeleza meaning.
Ukosoaji wenye nguvu unahitaji uelewa sahihi wa unachokikosoa. Vinginevyo, kelele zinabaki kelele na si hoja.