Wanabodi,
Kama kawaida yangu, kila nikipata fursa, huja na makala zangu za "Kwa Maslahi ya Taifa"
Hili ni maslahi ya taifa ya pongezi kwa TRC nimeona mzigo wa mabehewa mapya ya kisasa ya reli ya kisasa ya SGR ukipokelewa bandarini, DSM, hivyo hatua ya kwanza ni kutoa pongezi kwa TRL kwa kazi hii kubwa, ngumu nzuri yenye maslahi makubwa kwa taifa.
Kwa vile kabla ya kupokelewa kwa mabehewa haya, huko nyuma TRC, walitoa taarifa kwa umma kuhusu vichwa na mabehewa ya reli ya SGR, taarifa hiyo iliandamana ni picha za vichwa na mabehewa ya treni hizo, yakionyesha ni vichwa na mabehewa mchongoko!, lakini baada ya picha za mabehewa haya kuwasili na kuonyesha ni tofauti na zile za kwenye picha za mwanzo, mabehewa haya ni box body na sio mchongoko, hali iliyopelekea ujio wa mabehewa haya mapya, kupokelewa kwa mixed feelings, TRC Serikali na baadhi ya watu wakisema ni mabehewa mapya, huku wananchi na mitandaoni wakipiga kelele ni mabehewa used, mitumba, chakavu ya muundo wa kizamani, yaliyo karabatiwa na kutiwa nakshi nakshi tuu!.
Waziri Mkuu. Mhe. Kasim Majaliwa Majaliwa, alipotembelea nchini Korea Kusini kukagua kazi ya uundaji mabehewa yetu kampuni ya Sung Shin Rolling Stock Technology Company (SSRST) na hiki ndicho Waziri Mkuu alichokisema
Hii maana yake, mabehewa haya ni mapya kabisa kutoka kiwandani.
Kwa sisi baadhi yenu, tulioishi nchi za wenzetu, tumepanda treni hizi za kisasa za kasi zinazoendeshwa kwa umeme, ziko za aina mbalimbali, kuna zile za kasi, bullet trains, ambazo zinakwenda hadi kasi ya speed 360kmh kwa saa!, na kuna hizi za kawaida kama SGR yetu, yenyewe speed yake ni hadi 160 kph kwa saa.
Vichwa na Mabehewa ya treni hizi pia yana tofautiana ki usasa, mitindo na muonekano, ila mabehewa ya abiria ya wenzetu tuliyo yapanda, sio kama haya tunayo letewa sisi!, hivyo kwanza natoa hongera sana TRC kwa mabehewa haya mapya kuwasili nchini, hii ni hatua kubwa muhimu.
Kwa vile reli yetu ya SGR ni reli mpya na ya kisasa, je vichwa, mabehewa haya tulioletewa ni mabehewa mapya ya kisasa? Kwa jicho langu tuu la kawaida, naona kama behewa hilo ni na mtindo wa yale mabehewa ya kizamani, ila pia mabehewa kuonekana kwa mtindo wa mabehewa ya kizamani, sio issue, inawezekana ni muonekano tuu, sio lazima yawe ni mabehewa ya zamani, used, inawezekana kabisa, haya ni mabehewa mapya kabisa, ila yameundwa kwa mtindo wa kizamani, hivyo mabehewa haya ni mapya, sio mitumba, sio used, sio mabehewa chakavu ni mabehewa new brand!.
Ila hata kama yangekuwa ni mabehewa yaliyotumika, kumaanisha ni used, Watanzania tuelezwe tuu ukweli, Watanzania ni watumiaji wazuri wa vifaa used, na hakuna ubaya wowote kutumia vitu vilivyotumika yaani used au mitumba, Ila kitu muhimu ni kwa ubora, uimara na umadhubuti wa vifaa hivyo, kuna vifaa used ni bora, imara na madhubuti kuliko vifaa vipya!. Kama mabehewa haya ni used, Watanzania tuelezwe tu ukweli kuwa mabehewa haya ni used, na sio TRC na viongozi wetu watueleze tumenunua mabehewa mapya ya kisasa, kumbe ni mabehewa mitumba used yaliyo karabatiwa, kupakwa rangi na kufanyiwa nakshi nakshi tu!.
1. Nimemtafuta Mkuu wa Kitengo cha Uhusiano TRC, Jamila Mbarouk, kwanza amethibitisha mabehewa haya ni mapya na sio mitumba, pili mabehewa yaliwasili nchini, ni mabehewa ya mkataba mpya wa mabehewa na Kampuni za Zeller KG Engineer (Austria), Baltic Port Service GmbH na Lueckemeir Transport Logistics GmbH (Germany) na sio yale mabehewa 30 na vichwa 2 vya mkataba uliovunjwa wa EUROWAGON ambao nao waliingia sub contract na walinunua vichwa 2 na mabehewa 30 kutoka kampuni ya Reli inayomilikiwa na serikali ya Germany, DB Regio, ili kuvikarabati na kuvitia nakshi nakshi, kisha vilisajiliwa kuwa mali ya TRC. Mkataba wa EUROWAGON ulivunjwa June 22 vile vichwa na mabehewa tayari yalikuwa ni mali na TRC, Hivyo kitendo cha mzigo kuwasili nchini ni ndani ya miezi 5 tuu!, mzigo wa mabehewa umetua nchini!, hii maana yake ni ama haya ni mabehewa mapya kabisa ya dukani, yaliyokuwa yakisubiri mnunuzi, baada ya kununuliwa kiwandani kabisa South
Korea's Sung Shin
Rolling Stock Technology Company (SSRST) na yametiwa nakshi nakshi na kuletwa nchini!, ama haya ni yale yale mabehewa mitumba ya EUROWAGON, hivyo hoja za jee mabehewa haya ni mapya ama used, bado zina mantiki!.
2. Ukiyaangalia kwa ndani, mabehewa yaliyowasili jana, yana madirisha pande zote, hivyo huu unaweza kuwa ni uthibitisho mabehewa haya ni mapya, ila yale mabehewa aliyoyakagua Waziri Mkuu kule kiwandani Korea, yana madirisha upande mmoja tuu, hiki ni kuashiria kuwa originally haya ni mabehewa ya underground trains na sio ya terrestrial train!. Sisi SGR yetu ni terrestrial, moja ya faida na raha za kusafiri kwa mabasi na treni ni pamoja na kuenjoy kitu kinachoitwa scenery enjoyment, madirisha makubwa ya abiria kuona nje mazingira.
3. Ule mkataba uliovunjwa, ulikuwa sio mkataba wa kuunda mabehewa, ule ni mkataba wa ukarabati na kutiwa nakshi nakshi kwa vichwa na mabehewa!, na sio kuundwa kwa vichwa na mabehewa mapya!, lakini Waziri Mkuu amezungumzia ujenzi wa mabehewa na sio ukarabati na nakshi nakishi, hivyo mabehewa yaliyowasili ni mabehewa mapya!, kwa nini Watanzania hatuelezwi ukweli tangu mwanzo, hivyo kutoa fursa kwa watu kudhania tumenunua mitumba?.
4. Japo ule mkataba wa EUROWAGON uliovunjwa ulikuwa ni vichwa na mabehewa used, by the time mkataba unavunjwa, hao EUROWAGONS waliisha lipwa malipo ya awali na kuvununua hivyo vichwa na mabehewa 30, ambayo tayari ni mali ya TRC, Watanzania tuna haki ya kuelezwa, hivyo vichwa na mabehewa ya EUROWAGONS, vilinunuliwa wapi, viliundwa lini, wapi?, vimetumika wapi na kwa muda gani kabla TRC hatujauziwa?
5. Watanzania tuelezwe gharama halisi za manunuzi, ukarabati, naksh naksh na usafirishaji mpaka yamepokelewa ili tufanyiwe a comparative analysis, kama tungenunua vichwa vipya na mabehewa mapya, tungetumia gharama kiasi gani, compared na kununua vichwa na mabehewa used ili tujue tumeokoa fedha kiasi gani kwa kununua used?
6. Japo gharama za kununua vitu vipya ni juu ila gharama za maintenance ni ndogo, unaweza kununua kitu used kwa bei poa kumbe ni kitu chakavu sana choka mbaya, hivyo gharama ya maintenance ikawa juu kuliko hata ungenunua kipya!.
7. Sii wengi wanajua kazi ya CAG wakidhani ni kutoa tuu zile ripoti za ukaguzi wa hesabu za serikali, CAG ni Mdhibiti na Mkaguzi, udhibiti unafanywa kabla ya manunuzi, je, kulifanyika tathmini yoyote rail worthiness report ya hivyo vichwa na mabehewa hayo used kabla hayajanunuliwa? Kama haikufanyika, then tusisubiri hadi mradi ukamilike ndipo CAG aikague SGR, baada ya kuanza hizi kelele kelele za mpya vs used, atufanyie a value for money audit, hiki kipande cha Dar- Moro, ili kama tumepigwa, tusiendelee kupigwa mpaka mwisho, tena usikute ni kweli tumeuziwa vichwa na mabehewa used kwa bei ya mapya!, watu wakajivunia viji 10% vyao vya maana tu!
8. Ukiingia mkataba wa manunuzi, kwa matengenezo, mzigo ukanunuliwa, delivery ndio ikachelewa, huwezi kuvunja mkataba huo ukabaki salama, hivyo kesi ikifunguliwa, Tanzania tunashindwa hata kabla kesi haijaanza!
9. Tulivunja mkataba wa Dowans, wanasheria wetu wakatuhakikishia hatutashitakiwa!, tukashitakiwa!, wanasheria wetu wakatuhakikishia tutashinda!, tukashindwa na tukadaiwa tozo ya Dowans, wanasheria wetu wakatuhakikishia hatutalipa na hawatatufanya lolote!, tena kuna wakajiapisha "over my dead body", hatulipi!
ukweli ni kwa tumelipa every cent kisiri siri bila Watanzania kuelezwa, bila Bunge kujulishwa na kuidhinisha, bila CAG kudhibiti na kukagua!. Kwanini hatuambiwi ukweli?
10 Tulipo vunja mkataba wa Dowans, Zitto akashauri tuitaifishe ile mitambo, waheshimiwa Wabunge wetu wakagoma kuwa Tanzania hatununui mitambo chakavu, mitambo mitumba, na kweli kwa wakati huo hatukuwa na sheria ya kununua mitambo chakavu.
11 Tulivunja mkataba ule wa Dowans kwasababu ya gharama kubwa cha capacity charges na umeme wenyewe!, Mitambo ile Dowans ikanunuliwa na Simbion, tukaingia nao mkataba ule ule wa Dowans!, kwa capacity charge ile ile!, watu wale wale walio ikataa dowams, ndio hao hao danced to the tune na Hilary Clinton kuzindua Simbion!, kwa mkataba ule ule tuliovunja!, kwa gharama zile zile!, na capacity charge ile ile!, na tukawalipa!.
12. JPM alipoingia tukavunja tena na mkataba wa Simbion, tukashitakiwa, tukashindwa, tukadaiwa, JPM akagoma kulipa!, ila baada tuu ya JPM kuitwa kule alipoitwa huku nyuma, sisi hao hao, sio tuu tumelipa!, bali pia tumeinunua ile mitambo ya Simbion kwa bei ya ajabu!, sasa mitambo ile tuliosema ni chakavu, mtumba, na serikali yetu hatununui, mitambo chakavu, sasa ndio tumeinunua!, sasa mitambo ile ya Simbion ni mitambo yetu, ni mali yetu! na malipo yote yaliisha fanyika chap chap fasta fasta!, bila bajeti yake kuombwa popote!, bila Bunge letu kuijadili, kuipitisha na kuidhinisha, bila CAG kuidhinisha malipo hayo!, na haya yote yamefanyika bila sisi Watanzania kuambiwa!, kwanini vitu vikubwa kama hivi hatuambiwi?.
13. Kwa vile mambo kama haya kwenye manunuzi makubwa yaliwahi kutokea kule nyuma kwenye ununuzi wa Rada mtumba toka BAE, watu wakaweka cha juu kikubwa tuu, tukalipa fasta!, Mama Mzalendo wa kizungu, Linda Chalkel akabaini, akatupigania tukarudishiwa chenji ya Rada!.
14. Ununuzi wa ndege ya rais Gulf Stream bei ikapaishwa zaidi mara mbili!, Mzee John Memosa Cheyo akaonyesha bei halisi ya kiwandani! watu wakatia pamba masikioni tukalipa fasta!. Kuna vifaa fulani chakavu vya taasisi fulani nyeti tumeuziwa hapa!, tangu vimenunuliwa havijawahi kutumika mpaka leo!. Hivi naomba nisivizungumzie wala msiniulizie!, maana hata sisi waandishi wa habari haturuhusiwi kuzungumzia mambo ya taasisi fulani fulani nyeti ila fedha zilizotumika sio fedha za taasisi nyeti, ni fedha za Watanzania, kuzungumzia vifaa vya nyeti sio sawa, hivyo hatuvizungumzii, lakini kwa vile tulilipia kwa fedha za Watanzania, hakuna mipaka yoyote ya kuzungumzia matumizi ya fedha za umma!, Watanzania wana haki ya kujua matumizi yote ya kodi zao!.
15. Tukanunua meli fulani moja mtumba iliyochoka, dholfu bin taaban, MV Bagamoyo, ikafanya safari moja tuu ya Dar - Bagamoyo, mahali pa safari ya dakika 30, ilitumia masaa 3!. Hii meli sasa imewekwa kwenye kundi la vifaa vya taasisi nyeti, hairuhusiwi kuzungumziwa hivyo isizungumzwe!, ila fedha zake ni fedha za Watanzania, Watanzania wana haki kujua!.
Hitimisho
Namalizia kwa msisitizo, hakuna ubaya kutumia vitu used!, tena vingine ni vizuri, imara, bora, madhubuti kuliko hata vipya!, na Watanzania walio wengi, kutokana na low purchasing power due to umasikini uliotopea, wengi wetu affordability yetu ni mitumba kuanzia magari, nguo hadi mitambo, hivyo tumezoea, tunachohitaji ni kuambiwa ukweli tuu!,
tutaelewa tuu kuliko...
Wasalaam.
Paskali.
NB. Makala hizi ni free kutumiwa na gazeti, jarida, mtandao wowote, hazina copyright, ila source na mwandishi wawe attributed.