Huu ni mwaka wa uwekezaji-TIC

Damu Ya Chuma · 2024-01-08T12:42:34+00:00

Kituo cha Uwekezaji Tanzania,TIC kimezindua kampeni yake maalum ya kuhamasisha uwekezaji nchini. Kampeni hiyo imezinduliwa leo katika mkoa wa Mwanza na Mtendaji Mkuu wa Kituo hicho Bw. Gilead Teri na inalenga kufikia mikoa 15 nchini. Akizungumza katika mahojiano maalum na kituo cha Clouds Tv, Bw. Teri ameeleza namna ambavyo kituo hicho kimejipanga kuboresha mazingira ya uwekezaji nchini kwa kurahisisha taratibu za usajili wa miradi, punguzo katika ushuru wa forodha sambamba na kuweka vivutio mbalimbali vya kiuwekezaji kama sehemu ya kampeni hii maalumu ya kuufanya mwaka 2024 kuwa mwaka wa uwekezaji. Aidha TIC imeeleza namna ambavyo kwa kipindi cha mwaka mmoja ulioisha wa 2023 kimeweza kuvutia uwekezaji ambapo Mr. Teri ameeleza namna kituo hicho kilivyofanikiwa kuvutia uwekezaji wenye thamani ya dola Bilioni 5.6 sawa na zaidi ya Trilioni 10 za kitanzania ambapo uwekezaji huo unatarajiwa kuzalisha kati ya ajira 50000-100000 kwa watanzania wazawa. Ikumbukwe TIC kwa sasa inasimamia utekelezaji wa sheria mpya ya uwekezaji ya Mwaka 2022 ambayo pamoja na mambo mengine imeshusha kiwango cha mtaji kinachotakiwa kwa mwekezaji mzawa kusajili mradi wake kutoka Dola 100,000 hadi kiasi cha Dola 50,000 lengo likiwa kuvutia wawekezaji wa ndani kunufaika na fursa za kiuwekezaji zilizopo. TIC kwa sasa ina ofisi katika kanda zote za nchi huku ikiwa na uwakilishi katika ofisi zote za wilaya na mikoa nchini ikiwa ni mkakati wa kukiweka kituo karibu kabisa na wawekezaji.

Thread starter Damu Ya Chuma
Start date Jan 8, 2024
Tags

kampeni kituo maalumu uwekezaji

Damu Ya Chuma

New Member

Jan 8, 2024

Replica

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Huu ni mwaka wa uwekezaji-TIC

Damu Ya Chuma

New Member

Replica

JF-Expert Member

Our Community

Regional Communities