Infantino aomba radhi, Wajumbe wamuunga mkono bado ni Rais wa FIFA

[Richer]

Agosti 5, 2026, Shirikisho la Soka Duniani (FIFA) limeomba radhi kutokana na makosa yaliyofanywa katika mchakato wa pendekezo lililoondolewa la kuuza haki za kibiashara zinazohusiana na Kombe la Dunia. Wakati huohuo, viongozi wa shirikisho hilo wamethibitisha tena kumuunga mkono rais wake, Gianni Infantino, kufuatia kikao cha dharura kilichofanyika mjini Rabat, Morocco.

Kikao hicho kilihudhuriwa na Infantino, Katibu Mkuu wa FIFA Mattias Grafström pamoja na wajumbe wa bodi ya usimamizi wa FIFA. Baada ya mkutano huo, FIFA ilisema viongozi wake wamethibitisha kumuunga mkono kikamilifu rais huyo, huku wakikiri kuwa namna pendekezo la FIFA Forward Enterprise lilivyoshughulikiwa ilipaswa kuwa tofauti.

Soma Rais wa FIFA Gianni Infantino aitisha kikao cha dharula

Katika taarifa yake, FIFA ilisema pia imetuma barua tofauti kwa wajumbe wa Baraza la FIFA na mashirikisho yote 211 wanachama wake, ikiomba radhi kwa makosa yaliyotokea na kuahidi kufanya tathmini ya kina ya mchakato huo.

FIFA iliongeza kuwa baada ya pendekezo hilo kuondolewa, haitavumilia tena mashambulizi yoyote dhidi ya uadilifu wake, misingi ya utawala bora na taratibu zake za maamuzi, na kwamba itachukua hatua zote muhimu kulinda hadhi na sifa yake.

Kikao hicho kilifanyika baada ya FIFA kuondoa wiki iliyopita pendekezo la kuuza asilimia 20 ya hisa katika kampuni mpya ya kusimamia haki za kibiashara kwa wawekezaji binafsi. Mpango huo ungeiwezesha FIFA kukusanya takribani dola bilioni 4.2 kwa ajili ya maendeleo ya soka duniani. Pendekezo lililozua mjadala kutokana na kuhusishwa kwa kampuni yenye uhusiano wa kifamilia na Rais wa Marekani Donald Trump.

Hatua hiyo ilikosolewa vikali na Shirikisho la Soka Ulaya (UEFA) pamoja na wadau wengine wa mchezo, ambao waliishutumu FIFA kwa kukosa uwazi, utawala bora na kushindwa kufanya mashauriano ya kutosha kabla ya kuwasilisha mpango huo.

Chanzo: Reuters

 

[ngakotecture]

Muungwana akivuliwa nguo huchutama

 

[Jannatul Firdaus]

Rais wa Shirikisho la Soka Duniani (FIFA) Gianni Infantino, ameomba radhi kwa makosa yaliyofanyika katika mpango uliokuwa ukilenga kuuza sehemu ya hisa za mashindano ya FIFA kwa wawekezaji binafsi kupitia kampuni tanzu ya FIFA Forward Enterprise (FFE). Licha ya kukosolewa vikali, viongozi wakuu wa FIFA wameendelea kumuunga mkono na kuthibitisha kuwa ataendelea kushika nafasi yake kama Rais wa shirikisho hilo.

Infantino, ambaye alichaguliwa kwa mara ya kwanza kuwa Rais wa FIFA mwaka 2016 baada ya kuondoka kwa mtangulizi wake Sepp Blatter kufuatia kashfa za ufisadi, amekuwa akiongoza shirikisho hilo kwa takriban muongo mmoja. Kwa sasa anajiandaa kuwania muhula wa 4 katika uchaguzi wa urais wa FIFA unaotarajiwa kufanyika Machi 2027.

Katika kikao cha dharura kilichofanyika Rabat, Morocco, Infantino na Katibu Mkuu wa FIFA, Mattias Grafstrom, walikiri kuwa kulikuwa na dosari katika namna mpango huo ulivyoandaliwa na kuwasilishwa bila ushirikishwaji wa kutosha wa wadau.

Wawili hao pia waliwatumia viongozi wa Vyama wanachama barua ya kuomba radhi na kuahidi makosa kama hayo hayatatokea tena, huku FIFA ikisisitiza kuwa taratibu zake za utawala hazikuvunjwa.

Hata hivyo, shinikizo dhidi ya Infantino bado linaendelea, huku UEFA ikitangaza kupoteza imani na uongozi wake na baadhi ya vyama vya soka barani Ulaya vikiacha kuunga mkono nia yake ya kugombea muhula wa nne mwaka 2027.

Pamoja na hali hiyo, Infantino bado anaungwa mkono na mataifa kadhaa, hasa kutoka Afrika na Asia, jambo linalompa nafasi kubwa ya kuendelea kuongoza FIFA.

 

[Marcostilone]

Soka ni politics and power!

 

[Chivundu]

Mpuuzi, alitaka kuleta udwanzi kwenye soka.