Jaji Warioba Watanzania tumekusikia lakini CCM hawataki kusikia!

[makoye2009]

Juzi jaji Warioba alitoa yake ya moyoni wakti akiongea na Baraza la Wanawake huko Bagamoyo. Jaji Warioba ambaye ni Mwenyekiti wa Tume ya Katiba Mpya alisema vyama vya siasa vimeamua kuingilia uhuru na maoni ya Watanzania kuhusu upatikanaji wa Katiba mpya.
Jaji Warioba aliweka wazi kuwa tume yake haiko tayari kuanzan kupokea maoni mapya yanayopingana na Rasmi ya katiba kama ilivyopendekezwa na Watanzania wengi. Alisema vyama lazima viheshimu maoni na mawazo ya Watanzania na viache kupenyeza mambo ambayo ni ITIKADI za vyama!
Tangu Rasimu ya Katiba mpya itolewe na Tume chama Twawala CCM kimeonekana kutofurahishwa na Rasimu hiyo hasa kwenye kipengele cha Muungano. Katika Rasimu hiyo maoni ya watu wengi walitaka Serikali 3 lakini kwa mtazamo wa CCM wao wanataka serikali 2 ambazo ndizo ziko kwenye mfumo uliopo sasa. CCM waliamua kuitisha vikao vya ndani na kuweka msimamo wao kuwa hili la serikali 3 watalipinga kwa Nguvu zote kwa kuandaa waraka kwenda kwenye mabaraza yote ya Wananchama wa CCM ili waunge mkono seikali 2.
Kila wajumbe wa Tume ya katiba walipokwenda walikutana na maoni yanayofanana sentensi kwa sentensi na nukta kwa nukta yaliyokuwa yakisomwa mbele zao na Wanachama wa CCM waliokuwa wameandaliwa kuwasilisha maoni hayo ya CCM! Kulingana sheria za Tume CCM wameonekana kukiuka sheria na taratibu zilizowekwa. CCM wanaonekana kutaka kulazimisha mambo ili kupata Katiba Mpya itakayokidhi Itikadi zao na si Matakwa ya Watanzania! Hii ni aibu kwa CCM na viongozi wao wote.
Mimi namaliza kwa kusema hivi. CCM wanatakiwa kusoma alama za nyakati na kuelewa nchi iko wapi na inaelekea wapi. Pengine niwakumbushe tu kilichotokea wakti wa Mwalimu JK nyerere(Baba wa Taifa-RIP) katika kura ya maoni kuhusu Tanzania kuwa na Mfumo wa Siasa ya vyama Vingi au kuendelea na mfumo wa Chama kimoja. Baada ya kura ya maoni kuhusu ni mfumo upi Tanzania ifuate ilionekana kwamba 80% walitaka kuendelea na mfumo wa Chama kimoja na 20% walitaka kuwa na mfumo wa Vyama vingi.
Kwa vile Baba wa Taifa alikuwa na AKILI KUBWA iliyokuwa ikiongoza akili ndogo alisoma alama za nyakati na akafikia uamuzi wa kuheshimu maoni ya Wachache ya kuwa na mfumo wa Vyama vingi ambayo ni Demokrasia sahihi na chanya hata kama waliotaka hivyo walikuwa ni wachache! Nawashauri CCM waige mfano wa Baba wa Taifa na waache tabia ya u-king’ang’anizi kwa mambo ambayo watu hawayahitaji tena hata kama ni wachache. Muungano wa serikali 2 umeonekana una mapungufu mengi kwa muda mrefu sasa na hauna tija! CCM wasitake kuwarudisha Watanzania kwenye ujima!
Tatizo la CCM ni kwamba kwa sasa chama hiki hakina hata mtu mmoja mwenye akili kubwa kama alivyokuwa Mwalimu JK Nyerere. Chama kimejaa watu wenye akili ndogo na dhaifu kifikra,kivitendo hata kimaamuzi. Tusitegemee lolote kutoka CCM kwa uongozi huu wa akina Mwigulu Nchemba,Nnepi Nauye, Kinana,Pinda, Wassira,Mangula na wachovu wengineo ndani ya CCM!
Nawasilisha.

 

[zamlock]

safi sana hata mie napendekeza serikali tatu bila chenga na nina jua waryoba awezi niangusha na wajumbe wenzake.

 

[Mlaleo]

Maneno ya Mwisho umeongezea wewe najiaminisha hivyo

 

[Mlaleo]

Hata mimi kwa kiasi kikubwa nastushwa sana nikisikia watu wakisema msimamo wa chama chetu ni hivi.... Noooooooo kila mtu atoe maoni yake na si ya chama... Mbavu pu!

 

[Brightman Jr]

Kwa hali ilivyo takriban mabaraza yote ya wilaya yametekwa na CCM na kupewa maelekezo maalum ya nini cha kufanya katika mchakato wa kupata katiba. Kimsingi CCM hawaitaki kabisa rasimu ya I iliyotoka sasa. Na sidhani kama Warioba atalikwepa shinikizo hilo la CCM.

 

[Henge]

NATAKA SERIKALI MOJA MENGINE YAWE MAJIMBO Tu

 

[Henge]

kwa hali ilivyo takriban mabaraza yote ya wilaya yametekwa na ccm na kupewa maelekezo maalum ya nini cha kufanya katika mchakato wa kupata katiba. Kimsingi ccm hawaitaki kabisa rasimu ya i iliyotoka sasa. Na sidhani kama warioba atalikwepa shinikizo hilo la ccm.

mkuu tuingie kwa kujua tutashinda ccm bado wanasikiliza maoni ya mtu mmoja fikra za mwenyekiti wa ccm

 

[FUSO]

CCM wanafikiri jaji warioba ni mtu wa kuburuzwa buruzwa -- na ndiyo maana mwalimu alimwamini akamkabidhi kuongoza serikali kama waziri mkuu - kazi wanayo kama walibeep basi yeye anawatwangia.

Katiba inayoandikwa ni ya wananchi na si ya chama cha siasa, vyama visaidie tu kutoa maoni ya wananchama wao na si kuishinikiza tume.

Jaji sisi wananchi wa Tanzania tumekubali -- tunakuombea afya njema utupatie katiba mpya itakayodumu nusu karne ijayo; maana hivi vyama ni vya kupita tu ila Tanzania itabakia.

Mungu ibariki Tanzania.