Jenerali Ulimwengu: Mlio Madarakani Mjifunze Kuchelea

[Analogia Malenga]

Jenerali Ulimwengu aandika shairi kuwaasa walioko madarakani

MLIO MADARAKANI, JIFUNZENI KUCHELEA

Nakuletea shairi, lino latoka moyoni Nakuomba likariri, ulitie maanani, Usije kulighairi, kuniona majinuni, Mlio madarakani, jifunzeni kuchelea	Uliye nazo akili, huna budi utambue, Mwenza wako ni adili, uendako mchukue, La, utakuwa batili, insi wasikutambue, Mlio madarakani, jifunzeni kuchelea
Jifunzeni kuchelea, mlio madarakani, Na sudi twawaombea, awalinde Rahmani, Na pindi mkikosea, basi radhi tuombeni Mlio madarakani, jifunzeni kuchelea	Unapokuwa mkubwa, wako ukubwa ogopa, Hivyo si ulivyoumbwa, hadi ukafika hapa, Kwa bahati umekumbwa, wakati wewe ni kapa, Mlio madarakani, jifunzeni kuchelea
Kikataeni kiburi, na tambo za ufidhuli, Tutawapeni sufuri, mkijifanya ni nduli, Yenu ni ndefu safari, ya akili si misuli, Mlio madarakani, jifunzeni kuchelea	Epukeni kuwatisha, watu walio dhalili, Ogopa kudhalilisha, mtu aso na misuli, Ukitaka jaribisha, kwa mwamba alo kamili Mlio madarakani, jifunzeni kuchelea
Madaraka nisemayo, si ya mmoja tu wengi, Kila mmoja anayo, kila mtu yake rangi, Kama hujui unayo, labda wavuta bangi, Mlio madarakani, Jifunzeni kuchelea	Jifunzeni lugha tamu, haiba inopendeza, Wajihi wa tabasamu, kila mkijieleza, Watu watieni hamu, kuja kuwasikiliza, Mlio madarakani, jifunzeni kuchelea
Ewe mkuu wa kaya, mwenye wake na uledi, Kisha umekosa haya, umewaacha stendi, Wakimbilia malaya, nyumbani katu huendi, Mlio madarakani, jifunzeni kuchelea	Mkikunja nyuso zenu, hovyo mwajiropokea, Watawacha mwende zenu, nyumbani watarejea, Wakumbuka nyuso zenu, mazimwi mlopotea, Mlio madarakani, jifunzeni kuchelea
Wake zako na watoto, nani atayewalea? Wafifiza zao ndoto, wakati ukibembea, Wajikalia kushoto, juha unachekelea, Mlio madarakani, jifunzeni kuchelea ,	Msijeona muhali, kwa niliyojisemea, Wala hayana ukali, utaowaelemea, Yangu ni ya Kiswahili, lugha iliyotulea, Mlio madarakani, jifunzeni kuchelea
Kila siku u mkali, wana wanakuogopa, Wakiuliza maswali, huna jibu la kuwapa, Wanapokudai wali, wawatupia makopa, Mlio madarakani, jifunzeni kuchelea	Ki kitamu Kiswahili, na wageni waafiki, Yawaje hatukubali, nasi tukakipa tiki, Tukaionja asali, ya muruwa na mantiki, Mlio madarakani, jifunzeni kuchelea
Na mtemi wa kijiji, ama wewe mwenyekiti, Watu wanataka maji, wanazo zao risiti, Wanapokuita huji, kila siku vizingiti, Mlio madarakani, jifunzeni kuchelea	Kwa kujisemea hovyo, Kiswahili mwakitusi Hivyo msemavyo sivyo, mnatutia mikosi, Vyovote vile iwavyo, mu watu wenye nakisi, Mlio madarakani, jifunzeni kuchelea.
Pesa zao umekwiba, umeenda kuolea, Hujui wameza mwiba, tumboni utatoboa, Wajiletea msiba, usioutegemea Walio madarakani, jifunzeni kuchelea	Tamati natua nanga, kituoni napumua, Mtajaliona tanga, siku nitolifungua, Mawazo nitayapanga, mengi na yenye murua Mlio madarakani, jifunzeni kuchelea
Ni mkuu wa wilaya, ama wako ni mkoa, Kubali kuwa na haya, watu wakikukosoa, Situtungie riwaya, majidai kutuboa, Mlio madarakani, jifunzeni kuchelea	Nakuombea salama, na maisha ya furaha, Uepushwe na zahama, na kila lenye karaha, Uzidishiwe karama, uongezewe staha, Mlio madarakani, jifunzeni kuchelea

 

[PureView zeiss]

Shairi limekaa vyema kama zaburi ya daudi

 

[Threesixteen Himself]

!
!
Aisee ni shida kbwa sana hii jamani.

 

[USSR]

Huo ugeneral aliupata jeshi gani huyu mhutu, tumbaku imemuharibu sana

 

[Marlex Jr El]

Huo ugeneral aliupata jeshi gani huyu mhutu, tumbaku imemuharibu sana

Na wewe ni mnini?

 

[abel p]

Huujumbe itasababisha maradhi ya tezi dume🤣🤣🤣🤣🤣

 

[Bujibuji Simba Nyamaume]

Magufuli hasomagi Mambo magumu, Yuko busy insta na kina Dr. Kumbuka

 

[Mmawia]

Siwezi kusahau walipo mwambia kuwa mzee Ulimwengu siyo mtanzania bali ni mhamiaji haramu

Jenerali Ulimwengu aandika shairi kuwaasa walioko madarakani

MLIO MADARAKANI, JIFUNZENI KUCHELEA

Nakuletea shairi, lino latoka moyoni Nakuomba likariri, ulitie maanani, Usije kulighairi, kuniona majinuni, Mlio madarakani, jifunzeni kuchelea	Uliye nazo akili, huna budi utambue, Mwenza wako ni adili, uendako mchukue, La, utakuwa batili, insi wasikutambue, Mlio madarakani, jifunzeni kuchelea
Jifunzeni kuchelea, mlio madarakani, Na sudi twawaombea, awalinde Rahmani, Na pindi mkikosea, basi radhi tuombeni Mlio madarakani, jifunzeni kuchelea	Unapokuwa mkubwa, wako ukubwa ogopa, Hivyo si ulivyoumbwa, hadi ukafika hapa, Kwa bahati umekumbwa, wakati wewe ni kapa, Mlio madarakani, jifunzeni kuchelea
Kikataeni kiburi, na tambo za ufidhuli, Tutawapeni sufuri, mkijifanya ni nduli, Yenu ni ndefu safari, ya akili si misuli, Mlio madarakani, jifunzeni kuchelea	Epukeni kuwatisha, watu walio dhalili, Ogopa kudhalilisha, mtu aso na misuli, Ukitaka jaribisha, kwa mwamba alo kamili Mlio madarakani, jifunzeni kuchelea
Madaraka nisemayo, si ya mmoja tu wengi, Kila mmoja anayo, kila mtu yake rangi, Kama hujui unayo, labda wavuta bangi, Mlio madarakani, Jifunzeni kuchelea	Jifunzeni lugha tamu, haiba inopendeza, Wajihi wa tabasamu, kila mkijieleza, Watu watieni hamu, kuja kuwasikiliza, Mlio madarakani, jifunzeni kuchelea
Ewe mkuu wa kaya, mwenye wake na uledi, Kisha umekosa haya, umewaacha stendi, Wakimbilia malaya, nyumbani katu huendi, Mlio madarakani, jifunzeni kuchelea	Mkikunja nyuso zenu, hovyo mwajiropokea, Watawacha mwende zenu, nyumbani watarejea, Wakumbuka nyuso zenu, mazimwi mlopotea, Mlio madarakani, jifunzeni kuchelea
Wake zako na watoto, nani atayewalea? Wafifiza zao ndoto, wakati ukibembea, Wajikalia kushoto, juha unachekelea, Mlio madarakani, jifunzeni kuchelea ,	Msijeona muhali, kwa niliyojisemea, Wala hayana ukali, utaowaelemea, Yangu ni ya Kiswahili, lugha iliyotulea, Mlio madarakani, jifunzeni kuchelea
Kila siku u mkali, wana wanakuogopa, Wakiuliza maswali, huna jibu la kuwapa, Wanapokudai wali, wawatupia makopa, Mlio madarakani, jifunzeni kuchelea	Ki kitamu Kiswahili, na wageni waafiki, Yawaje hatukubali, nasi tukakipa tiki, Tukaionja asali, ya muruwa na mantiki, Mlio madarakani, jifunzeni kuchelea
Na mtemi wa kijiji, ama wewe mwenyekiti, Watu wanataka maji, wanazo zao risiti, Wanapokuita huji, kila siku vizingiti, Mlio madarakani, jifunzeni kuchelea	Kwa kujisemea hovyo, Kiswahili mwakitusi Hivyo msemavyo sivyo, mnatutia mikosi, Vyovote vile iwavyo, mu watu wenye nakisi, Mlio madarakani, jifunzeni kuchelea.
Pesa zao umekwiba, umeenda kuolea, Hujui wameza mwiba, tumboni utatoboa, Wajiletea msiba, usioutegemea Walio madarakani, jifunzeni kuchelea	Tamati natua nanga, kituoni napumua, Mtajaliona tanga, siku nitolifungua, Mawazo nitayapanga, mengi na yenye murua Mlio madarakani, jifunzeni kuchelea
Ni mkuu wa wilaya, ama wako ni mkoa, Kubali kuwa na haya, watu wakikukosoa, Situtungie riwaya, majidai kutuboa, Mlio madarakani, jifunzeni kuchelea	Nakuombea salama, na maisha ya furaha, Uepushwe na zahama, na kila lenye karaha, Uzidishiwe karama, uongezewe staha, Mlio madarakani, jifunzeni kuchelea

 

[Mmawia]

Huujumbe itasababisha maradhi ya tezi dume[emoji1787][emoji1787][emoji1787][emoji1787][emoji1787]

Umesahau na ugonjwa wa moyo

 

[Mmawia]

Shairi limekaa vyema kama zaburi ya daudi

Ni sawa na mharobaini kwa wahusika

 

[ostrichegg]

TULIKUWA WAMOJA

Kweli corona imekita, kudanganya haifai. Dunia yote walia, hata wenye utajiri. Wenzetu wanapambana, siye bado hatujali. Pazuri pakipotea, tuje kumlaumu nani?

Mlioshika madaraka, hivi mwatupelekapi? Misingi tumeitoka, twayahama maadili. Mema tulioachiwa, yanarithiwa na chuki. Pazuri pakipotea, tuje kumlaumu nani?

Kwa kuringia umwamba, tumesha poteza vingi. Umoja ulotulea, umekwisha tupwa mbali. Sasa wapima corona, nao eti wahaini. Pazuri pakipotea, tuje kumlaumu nani?

Fikra zilizowajaa, kutishana kwa visasi. Wengine kuwakataa, na kuwazushia uchawi. Mwanzo wa kushindwa vita, ni dhahiri uko nanyi. Pazuri pakipotea, tuje kumlaumu nani?

 

[Sky Eclat]

Huo ugeneral aliupata jeshi gani huyu mhutu, tumbaku imemuharibu sana

Tunapenda sana kuwapa Wahutu madaraka Tanzania.

 

[The Boss]

Shauri limewavua nguo watu

 

[Sky Eclat]

Shauri limewavua nguo watu

Sasa wanachora mduara kujizungushia wenyewe wakiwa ndani ya huo mduara wasiguswe na sheria

 

[Blac kid]

Jiwe na shotii andunje ndugali wakistaafu lazima wakaozee jela hata Kama wakifanikiwa kuuvusha salama muswaada wa kuzuia kushtakiwa.