LGE2024 Kagera: RC Mwassa atembea na visheti kuhamasisha Uchaguzi Serikali za Mitaa. Hii ni Rushwa!

[Cute Wife]

Wakuu,

Hizi ni rushwa kuwashawishi wananchi wafanye wafanye maamuzi, iwe kwa pesa au visheti vyote ni rushwa. Kwanini vinaachwa kuendelea kufanyika? TAKUKURU mnafanya nini?

===

Mkuu wa mkoa wa Kagera Hajat Fatma Mwassa amezunguka kwenye baadhi ya vijiwe vya Kahawa katika manispaa ya Bukoba akiwasihi wananchi kushiriki uchaguzi huo.

RC Mwassa katika mizunguko hiyo amebeba visheti alivyovitengeneza mwenyewe na kuwagawia watu kwenye vijiwe vya kahawa ikiwa ni ishara ya upendo huku akifikisha ujumbea wa kushiriki uchaguzi.

Kupata vimbwanga vingine wakati wa Uchaguzi ingia hapa: Uzi Maalum wa Vibweka na Hekaheka za wanasiasa kuelekea Uchaguzi Mkuu 2025

Ametumia mwanya huo kuwashukuru wananchi wa Kagera kwa kujitokeza kushiriki zoezi la kujiandikisha na kuwaomba wale wenye sifa kuendelea kujitokeza kuchukua fomu za kugombea nafasi mbalimbali kwakuwa tayari pazia la kuchukua fomu limeshafunguliwa.

Ameongeza kuwa uchaguzi wa mwaka huu atahakikisha unakuwa wa huru na haki huku akiendelea kutoa onyo kali kwa wale wenye nia ya kuleta vurugu kuwa amejipanga kuwakabili.

 

[bushagara]

Kabla hujapewa visheti unaulizwa we ni chama gani au anagawa tu?

 

[MGOGOHALISI]

Ubunifu kazini. Safi sana lazima watu wahamasishwe wakapige kura kuchagua viongozi wanaowataka. Sioni shida au uvunjifu wa sheria hapo.

 

[mmaroroi]

Visheti vya kwake au vya kugawa?

 

[Tindo]

Ubunifu kazini. Safi sana lazima watu wahamasishwe wakapige kura kuchagua viongozi wanaowataka. Sioni shida au uvunjifu wa sheria hapo.

Kawachukilia poa sana, visheti wakishakula tu wanatoa kura! Ni watoto nini?

 

[Shadow7]

Visheti utamu wake ni sekunde kama 45 ila maumivu yake watayapata miaka mitano sawa na sekunde 157680000

 

[Optimist_Tz]

CV za ma-RCs , DCs, DACs, RASs etc ziwe ni akiwa publicized wananchi waone.
Kisha ziwe zinatangazwa watu waombe kuwepo na fursa Sawa mwenye sofa zaidi na apate badała ilivyo sasa kwa kujuana .
Asokujua hakuthamini.

 

[Waufukweni]

Wakuu habari zenu!

Huko Kagera Mkuu wa mkoa Hajat Fatma Mwassa amezunguka kwenye baadhi ya vijiwe vya Kahawa katika Manispaa ya Bukoba akiwasihi wananchi kushiriki uchaguzi huo unaotarajiwa kufanyika Novemba 27, kama muonavyo kwenye picha.

RC Mwassa katika mizunguko hiyo alibeba Visheti alivyovitengeneza mwenyewe na kuwagawia watu kwenye vijiwe vya kahawa ikiwa ni ishara ya upendo huku akifikisha ujumbea wa kushiriki uchaguzi.

Ametumia mwanya huo pia kuwashukuru wananchi wa Kagera kwa kujitokeza kushiriki zoezi la kujiandikisha na kuwaomba wale wenye sifa kuendelea kujitokeza kuchukua fomu za kugombea nafasi mbalimbali kwakuwa tayari pazia la kuchukua fomu limeshafunguliwa.

Aidha aliongeza kuwa uchaguzi wa mwaka huu atahakikisha unakuwa wa huru na haki huku akiendelea kutoa onyo kali kwa wale wenye nia ya kuleta vurugu kuwa amejipanga kuwakabili.