Kim Soo Hyun kikabiliwa na hasara ya Tsh. Bilion 34,madai ni mahusiano na Kim Sae Ron akiwa na miaka 15

Muigizaji maarufu wa Korea Kusini, Kim Soo Hyun, yuko katika hatari ya kupoteza zaidi ya dola milioni 13 baada ya madai kuibuka kwamba aliwahi kuwa na uhusiano wa kimapenzi na mwigizaji Kim Sae Ron alipokuwa na umri wa miaka 15, pamoja na madai ya kumlazimisha kifedha

Kwa mujibu wa ripoti ya Money Today, Kim Soo Hyun anaweza kukumbwa na hasara kubwa iwapo mikataba yake ya matangazo itakatishwa. Inaripotiwa kuwa analipwa takriban won milioni 500 ($343,000) kwa kila tangazo analofanya kwa mwaka.

Ikiwa mikataba hiyo itavunjwa, huenda akalazimika kulipa mara mbili hadi tatu ya thamani ya kila mkataba, jambo ambalo linaweza kumsababishia hasara inayozidi dola milioni 13 kwa mikataba yake 16 ya matangazo, kulingana na ripoti za vyombo vya habari vya Korea Kusini vilivyonukuliwa na Dan Tri.

Baada ya familia ya Kim Sae Ron kudai kwamba Kim Soo Hyun alikuwa na uhusiano naye alipokuwa na umri wa miaka 15 na kwamba alihusika katika matatizo yake ya kifedha na hata kifo chake kinachodaiwa, wananchi wa Korea Kusini wameanza kushinikiza kampuni zinazomdhamini zikate uhusiano naye au zikabiliwe na kampeni ya kususiwa na watumiaji.

hizo story zimesha thinitishwa ni uongo, hakuwa na miaka 15