Hali ilivyo kwenye viunga vya Mahakama Kuu ya Tanzania, Masjala ndogo ya Dar es Salaam leo, Jumatatu Septemba 22.2025.
Ambapo Kesi ya Uhaini inayomkabili Mwenyekiti wa CHADEMA Taifa Tundu Lissu inaendelea tena Mahakamani hapo leo.
Mahakama kupitia jopo la Majaji watatu wanaosikiliza kesi hiyo wakiongozwa na Jaji Danstan Ndunguru inatarajiwa kutoa 'uamuzi mdogo' wa mapingamizi mawili yaliyowekwa na mshtakiwa, miongoni mwa mapingamizi hayo ni lile linalohusu uhalali wa hati ya mashtaka.
Your browser is not able to display this video.
Chanzo: Jambo Tv
Lissu alivyofikishwa Mahakamani
Your browser is not able to display this video.
Tundu Lissu akiingia ndani ya chumba cha mahakama.
Your browser is not able to display this video.
Makamu Mwenyekiti wa Chama cha Demokrasia na Maendeleo (Chadema), John Heche akiwasili Mahakamani.
Mahakama Kuu jijini Dar es Salaam imetupilia mbali pingamizi lililowasilishwa na Tundu Lissu kuhusu uhalali wa hati ya mashtaka pamoja na maelezo ya mashahidi ambayo yanadaiwa kuandikwa kinyume cha sheria.
Lissu alidai hati hiyo pamoja na viambatanisho vyake, ikiwemo maelezo ya mashahidi, vimeandikwa kinyume cha sheria na havikidhi matakwa ya kisheria.
Katika uamuzi wake, Jaji Nduguru amesema hati ya mashtaka iliyopo Mahakama Kuu ni ileile iliyowasilishwa awali Mahakama ya Kisutu na haijafanyiwa marekebisho yoyote.