Kwanini kundi la Wajerumani wenye ubaguzi wa rangi linahusishwa na ukarabati wa Mnara wa Saa huko Tanga?

[MulengaMulenga]

Habari wadau,

Nilipokuwa Tanga, niliona mnara wa saa uliojengwa kipindi cha ukoloni wa Kijerumani (1901) na umekarabatiwa mwaka 2022 na watu watatu;

1. NGO inayoitwa Tanga Development Network (TADENE)
2. Traditionsverband = Kundi la Wajerumani wenye ubaguzi wa rangi linalojiita "marafiki wa koloni za zamani"
3. Albers & Co., Uswisi (Old Amboni Ltd. Group)

Nimefanya utafiti juu ya kundi hili la Wajerumani na nimeshangazwa kwanini halmashauri ya manispaa ya Kitanzania na NGO inafanya kazi nao kwenye mradi kama huo.

Kwa kifupi kundi hilo linalojumuisha wazawa wa Ujerumani walioishi katika koloni na watu wenye "shauku katika historia". Baadhi ya watu wanaoshiriki katika maandiko yao ni sehemu ya makundi ya Nazi na wengine wanaunga mkono Mfumo wa Ubaguzi wa rangi nchini Afrika Kusini. (Apartheid)

Kwenye tovuti yao wanaandika hadithi kuhusu ukoloni ambazo mara nyingi si za kweli na zimeandikwa kwa njia inayowasifu wakoloni.

Ningependa kuuliza, kama una maelezo zaidi kuhusu ushirikiano huu na ukarabati wa mnara wa saa? na Je serikali ya Tanzania imeliona hili, inawafahamu watu hawa?

 

[njumu za kosovo]

Umenikumbusha kitu kwenye huo mnara kwa chini kuna wafanyabiashara " huria" wanauz bidhaa hapo kwenye huo mnara

 

[The Sheriff]

Ni ajabu sana kwamba hatuna muda wa kuchimbua mambo kabla ya kufanya mashirikiano na taasisi au mashirika ya kimataifa. Siku zote tunamezwa na shauku tu za kupokea "misaada". Si ajabu hata viongozi hawajui hizo taasisi zina 'mission' gani. Ni aibu!

 

[MulengaMulenga]

Ni aibu kwa kweli! Ni kama kushirikiana na wakoloni wenyewe.