Kwanini unampa mtu wako wa karibu 'password' zako?

[Rare Sapphire]

Nywila (password) ni utambulisho binafsi, ambao hulinda taarifa zote katika ulimwengu wako wa kidijitali: taarifa binafsi, akaunti za benki, mitandao ya kijamii, taarifa za nyeti, picha na maudhui ya aina yoyote.

Ndiyo maana ni muhimu kuunda nywila imara ambayo ni ngumu kukisia. Hata nywila yako unayotumia itakuwa imara kiasi gani, haitakuwa na manufaa ikiwa utampa mtu mwingine. Ikiwa nywila yako inajulikana na mtu mwingine zaidi yako mwenyewe, siyo nywila salama tena.

Hutakiwi kumpa mtu mwingine nywila yako

Wakati mwingine, kwa ajili ya urahisi au imani ambayo unaweza kuwa nayo kwa mtu mwingine, unaweza kutoa nywila bila kujua hatari inayohusika. Wengine hutoa nywila zao ili kuongeza upendo au kuonesha uaminifu kwa wapendwa wao, lakini siku moja mtu huyo akiamua kukugeuka taarifa zako nyingi binafsi zitakuwa hatarini. Kutoa nywila yako kwa mtu mwingine ni jambo hatari sana, ambalo linaweza kukugeukia na kukudhuru wewe binafsi na kitaaluma.

Kwa sababu hii, ni muhimu kujua kwamba unapompa nywila yako mtu mwingine, unamruhusu kujitambulisha katika ulimwengu wa kidijitali kana kwamba ni wewe. Unakabidhi utambulisho wako wa kidijitali.

Hii ina maana kwamba hatua yoyote watakayotekeleza itahusishwa nawe, kwa hivyo iwe ni ya ulaghai au la, unaweza kuwajibika kwayo. Pia unatoa ufikiaji wa habari zako zote; huwezi kuwa na uhakika kabisa kwamba nywila yako haitagaiwa kwa watu wengine, na hivyo taarifa hii inaweza kuangukia katika mikono isiyo sahihi.

Hata ikiwa ni kwa mmoja wa walio karibu nawe na mpendwa zaidi, mara tu unapotoa nywila yako unapoteza udhibiti wa vitendo vinavyoweza kutekelezwa au kutotekelezwa kwenye akaunti yako, na hivyo kuziweka hatarini. Hutaweza kuwa na uhakika kabisa kuhusu jinsi akaunti yako itatumika.

Pamoja na kutompa mtu yeyote nywila yako, ikizingatiwa kuwa ni kipengele cha usalama cha kibinafsi na kisichoweza kuhamishwa, kumbuka kwamba pia hupaswi kamwe kuiandika mahali au kuiacha wazi nyumbani kwako. Kutoshirikisha watu wengine password yako muhimu ili kuepuka kuwa mwathirika wa ulaghai kutoka watu wa karibu. Kwa njia hii unaweza kuzipa password zako umuhimu unaostahili ili kuweka ulimwengu wako mtandaoni salama.

CaixaBank