Wadau wa JF, poleni na mihangaiko ya maisha! Leo naja na jambo zito, zito kama mawe ya almasi yaliyolala ardhini yakisubiri wachimbaji wenye macho ya kuona fursa! Kuna mabillioni ya fedha yaliyolala kwenye teknolojia ya Artificial Intelligence (AI), lakini watu wengi hawafahamu wala kuyafikiria. Ni kama shamba la dhahabu ambalo halijaguswa!
Leo, nitawaeleza kwa lugha nyepesi, bila mizinguo ya kikanuni wala maneno magumu ya tech tuongee kibiashara na kifursa
AI ni nini?
Mdau, AI si mambo ya wanasayansi waliovaa makoti meupe pekee. Sio tu robot zinazoropoka kwa sauti ya kigeni. AI ni kifaa kinachokusaidia kufanya kazi zako kwa akili zaidi na haraka kuliko mwanadamu wa kawaida. Inachambua data, inafikiria, inatoa majibu, na hata inajifunza yenyewe!
Leo, AI iko kwenye kila kona ya maisha yetu, hata kama hujaitilia maanani:
- Unapotafuta kitu Google na inakupa jibu sahihi? Hiyo ni AI!
- Unapopata mapendekezo ya miziki unayoipenda Spotify? Hiyo ni AI!
- Unapotumia simu yako na kamera inatambua uso wako? Hiyo ni AI!
Kwa kifupi, AI ni kama msaidizi wa akili ila cha kushangaza, watu wengi hawaijui kwa undani wala hawajui wanaweza kuitumia kuingiza kipato!
Fursa zilizopo kwenye AI ambazo watu hawajazitambua
Huku nje, wadau wameanza kuona mwanga! Wanatengeneza pesa kwa kutumia AI bila hata kuwa na degree ya teknolojia/Computer. Mdau, hizi hapa ni baadhi ya fursa unazoweza kuzivuta haraka:
- Kutengeneza na kuuza content (Copywriting & Blogging) – Kuna tools kama ChatGPT zinazoandika makala, matangazo ya biashara, na hata vitabu! Watu wanatengeneza pesa kwa kuuza ebooks na makala.
- Kutengeneza video na content za mitandao: AI kama Synthesia inaruhusu mtu kutengeneza video za kitaalamu bila kuwa Camera wala studio! Fikiria unavyoweza kuwa na channel ya YouTube inayoingiza mapato bila hata wewe kuonekana.
- Kuchora na kuuza sanaa za AI (AI Art & NFTs): Kuna watu wanatumia AI kama MidJourney au DALL·E kutengeneza sanaa ya kipekee na kuiuza kama NFT au prints.
- Kuunda bot za biashara (AI Chatbots): Kampuni zinataka maboti yanayoweza kuzungumza na wateja 24/7. Ukiweza kuunda chatbot hata kwa kutumia tools rahisi kama ManyChat, unaweza kuwauzia wafanyabiashara wakubwa.
- Kuandika na kuuza courses mtandaoni: Ukiwa na ujuzi wowote, hata wa kawaida, AI inaweza kukusaidia kuandaa na kuuza kozi mtandaoni.
- Kutengeneza na kuuza apps za AI: Watu wanajenga apps zinazotumia AI na kuziuza kwa gharama kubwa. Kwa mfano, kuna watu wameunda apps za kutafsiri lugha kwa AI na wanapata mapato makubwa.
Mfano wa AI ambazo watu hawazifahamu lakini zinaingiza pesa kama mvua
Mdau, ukizijua hizi, hutakosa senti mfukoni:
- Runway ML: Inabadilisha maandishi kuwa video, unaweza kutumia kuunda matangazo ya biashara!
- ElevenLabs: AI inayozalisha sauti za binadamu zenye uhalisia, nzuri kwa podcast na voice-overs!
- DALL·E: Inachora picha kwa kutumia maneno tu, unaweza kuuza sanaa!
- Leonardo AI: Inaunda michoro ya ubunifu kwa ajili ya wabunifu wa mavazi, magazeti, na matangazo!
Watu nje wanazitumia AI hizi kufanya kazi kidogo lakini kuingiza mkwanja mkubwa.
Je, AI ni adui au rafiki?
Mdau, wengi wanahofia kuwa AI itachukua kazi zao. Ukweli ni huu:
"
AI haitachukua kazi za watu wavivu, bali itachukuliwa na watu wanaojua kutumia AI kufanya kazi zao kwa haraka na kwa ubora zaidi!"
Yaani, kama bado unafanya mambo kwa njia za kizamani, AI itakushinda. Lakini ukikumbatia fursa zake, utakuwa mbele ya mchezo!
Jinsi AI inavyoweza kukuingizia pesa hata ukiwa umelala
AI inaweza kufanya kazi kwa niaba yako hata ukiwa unalala:
- Unaweza kuunda blog inayoandika makala za automatic kwa kutumia AI na kupata mapato kupitia matangazo!
- Unaweza kutengeneza biashara ya dropshipping ambapo AI inakusaidia kutafuta bidhaa zinazotembea sokoni!
- Unaweza kutengeneza video za YouTube na AI na kuzipakia, zikiendelea kuingiza pesa kila siku!
Fikiria biashara ambayo inafanya kazi hata ukiwa umelala, huku AI ikishughulikia kila kitu kwa niaba yako.
Mwisho kabisa: Fursa hazisubiri, wachache ndio wanaziona!
Mdau, mabillioni yanalala kwenye AI. Je, wewe ni mmoja wa wachache wanaoona fursa hii, au utaendelea kuwa mtazamaji?
"Wanaosema AI itachukua kazi zao ni kama wanaolalamika jua linawaka badala ya kulima mashamba yao."
Hii ni zama ya akili bandia, lakini pesa ni halisi. Chagua upande wako mapema!
Tuendelee kuelimishana! Mdau,
Tupe maoni yako?