Mbinu mpya za wahalifu

Joseph_Mungure · 2023-02-23T02:24:12+00:00

Picha zinazoonyesha viatu vilivyoongezwa kwato kwenye soli ili mtu anapotembea viache nyayo za mnyama ardhini zimesambazwa pia sana mtandaoni. Miongoni mwa waliosambaza ni gavana wa zamani wa kaunti ya Nairobi Mike Sonko aliyeandika kwamba viatu kama hivyo hutumiwa na wahalifu kaskazini mwa Bonde la Ufa. Alisema hilo huifanya vigumu kuwafuata wahalifu hao kwani utafikiria nyayo walizoacha ni za ng’ombe. Waliosambaza picha hizo wamekusudia kuonyesha uvumbuzi wa wahalifu na wezi wa mifugo na jinsi wanavyotumia ubunifu wao kuwakwepa maafisa wa usalama. Lakini picha hizo hazina uhusiano wowote na Kenya, na si mara ya kwanza kusambaa mitandaoni. Mapema Julai 2021, zilisambaa mtandaoni Kenya na Nigeria. Msemaji wa Mbuga ya Taifa ya Kruger nchini Afrika Kusini alisema kwamba ni kweli picha hizo zilipigwa katika mbuga hiyo iliyopo Afrika Kusini, “Picha hizo zilipigwa baada ya kukamatwa kwa majangili waliodhani wanaweza kuwapotosha askari wetu wenye ujuzi ambao mwishowe walifanikiwa kuwakamata licha ya juhudi zao hizo,” msemaji huyo Isaac Phaahla alisema. “Hatuwezi kudhibiti kusambaa kwa picha hizo katika mitandao ya kijamii lakini matumaini yetu ni kuwa wenzetu watajifunza kutoka kwa tuliyoyapitia na wasidanganyike na wahalifu hawa.” Mamlaka ya hifadhi za wanyama nchini Afrika Kusini ilikuwa imeripoti kuhusu kisa cha kilichowahusisha wawindaji haramu mnamo 2 Julai katika hifadhi hiyo. Mmoja aliuawa katika ufyatulianaji risasi na walinzi na wengine wawili wakatoroka ingawa walikuwa wakiandamwa. Haijabainika iwapo kisa kilichorejelewa ndicho kilichohusisha viatu vilivyo pichani. Written by @el_mando_tz

Thread starter Joseph_Mungure
Start date Feb 23, 2023
Tags

wahalifu

Joseph_Mungure

Senior Member

Feb 23, 2023

AKILI TATU

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mbinu mpya za wahalifu

Joseph_Mungure

Senior Member

AKILI TATU

JF-Expert Member

Our Community

Regional Communities