Mfanyabiashara mdogo anaumia, wakubwa wanacheka. Mchezo Mchafu wa Kodi Umefichuka"

[Davidmmarista]

Salaam Wakuu wa JamiiForums,

Katika mji wa haki, kuna wenye viti vya dhahabu na kuna waliokalia mawe. Kuna wanaokula bila kupika, na kuna wanaopika bila kuonja. Katika soko la wazi, sauti za walalahoi hupazwa kila siku, lakini masikio yanayopaswa kusikia yamefunikwa na pamba ya upendeleo.

Katika taifa hili la miujiza, mfanyabiashara mdogo huamka na mzigo wa kodi mgongoni, huku mkubwa akilala usingizi mnono bila hofu ya kesho. Kijana aliyebeba duka lake mabegani hana hata nafasi ya kupumua kabla hajakumbushwa deni la mzee aliye na soko la kizazi kizima. Biashara yake inastawi kwenye karatasi, lakini kwenye uhalisia, inalazimika kuficha jina lake katika kivuli cha mwingine ili isizame kwenye bahari ya kodi kali.

Wapo waliobarikiwa kutembea bila mizigo, kwao kodi si sheria bali ni uamuzi wa hiari. Wanapita wakitabasamu, huku wanyonge wakihesabu sarafu zao na kuuliza: "Haki ni ya nani?" Sisi tunalipa, wao wanatakata!

Kuna miji ambayo kodi hutoka kwa wingi, lakini barabara zake ni mashimo, shule zake ni hadithi, na hospitali zake ni magofu. Tunatoa jasho letu, lakini mvua ya maendeleo hainyeshi kwetu. Serikali yetu imesahaulika kwenye baadhi ya kona za taifa, lakini kwenye madaftari ya kodi, majina yetu yameandikwa kwa wino usiofutika.

Je, huu ndio usawa tuliotaka? Je, huu ndio utawala wa haki? Leo mfanyabiashara mdogo analia, kesho atalazimika kuwa mjanja, atakimbilia kivuli cha mwingine ili asalimike. Lakini mpaka lini?

Jamii yetu inahitaji majibu, si hadithi za kufunika ukweli. Kodi si adhabu, bali inapaswa kuwa mbegu ya maendeleo. Kama mbegu haimei, tatizo ni kwa mkulima au udongo?

Tujadiliane, tupaze sauti.

 

[brazaj]

Salaam Wakuu wa JamiiForums,

Katika mji wa haki, kuna wenye viti vya dhahabu na kuna waliokalia mawe. Kuna wanaokula bila kupika, na kuna wanaopika bila kuonja. Katika soko la wazi, sauti za walalahoi hupazwa kila siku, lakini masikio yanayopaswa kusikia yamefunikwa na pamba ya upendeleo.

Katika taifa hili la miujiza, mfanyabiashara mdogo huamka na mzigo wa kodi mgongoni, huku mkubwa akilala usingizi mnono bila hofu ya kesho. Kijana aliyebeba duka lake mabegani hana hata nafasi ya kupumua kabla hajakumbushwa deni la mzee aliye na soko la kizazi kizima. Biashara yake inastawi kwenye karatasi, lakini kwenye uhalisia, inalazimika kuficha jina lake katika kivuli cha mwingine ili isizame kwenye bahari ya kodi kali.

Wapo waliobarikiwa kutembea bila mizigo, kwao kodi si sheria bali ni uamuzi wa hiari. Wanapita wakitabasamu, huku wanyonge wakihesabu sarafu zao na kuuliza: "Haki ni ya nani?" Sisi tunalipa, wao wanatakata!

Kuna miji ambayo kodi hutoka kwa wingi, lakini barabara zake ni mashimo, shule zake ni hadithi, na hospitali zake ni magofu. Tunatoa jasho letu, lakini mvua ya maendeleo hainyeshi kwetu. Serikali yetu imesahaulika kwenye baadhi ya kona za taifa, lakini kwenye madaftari ya kodi, majina yetu yameandikwa kwa wino usiofutika.

Je, huu ndio usawa tuliotaka? Je, huu ndio utawala wa haki? Leo mfanyabiashara mdogo analia, kesho atalazimika kuwa mjanja, atakimbilia kivuli cha mwingine ili asalimike. Lakini mpaka lini?

Jamii yetu inahitaji majibu, si hadithi za kufunika ukweli. Kodi si adhabu, bali inapaswa kuwa mbegu ya maendeleo. Kama mbegu haimei, tatizo ni kwa mkulima au udongo?

Tujadiliane, tupaze sauti.

Wale wa Kahama Shinyanga Tanzania Kuna wito wenu huku!

Yasemekana nyia ni mkoa wa kikodi labda hata Kanda maalumu.

Kulikoni barabara zenu?