Miliki soko, sio biashara! Mbinu za Street Smartness za Kulegeza Mfuko

[Davidmmarista]

Wadau wa Jamiiforums, Salaam!

Katika dunia ya biashara, si lazima uwe mmiliki wa biashara kubwa ili upige hela ndefu. Ukiwa na akili ya mtaani (street smartness), unaweza kutumia fursa zilizopo kuingiza kipato kwa mtaji mdogo lakini kwa faida kubwa. Hapa nimekuandalia njia 15 za kupiga hela bila kuwa na biashara kubwa.

1. Kama kuna fursa ya kufungua restaurant...

Sio lazima uwe mmiliki wa hiyo restaurant. Fukuzia deal ya kuuza matunda, mboga mboga, juice au viungo. Pia unaweza kusupply mchele, nyama, kuku, maziwa au samaki kwa wamiliki wa restaurant. Utapiga hela nyingi kwa mtaji mdogo.

2. Kama kuna fursa ya kufungua car wash...*

...badala ya kuanzisha car wash yako, jifunze kutengeneza washing detergent na uwauzie wenye car wash. Watahitaji bidhaa hiyo kila siku, na wewe utakuwa unapata hela steady.

3. Kama kuna hali nzuri ya hewa ya kilimo...

...sio lazima uwe na shamba kubwa. Nunua mbegu, mbolea, madawa ya kuua wadudu na vifaa vya kilimo, kisha wauzie wakulima. Utapata wateja wa mara kwa mara.

4. Kama kuna hoteli nyingi kwenye mji wako...

...badala ya kujenga hoteli, tafuta supplier wa vitambaa vizuri vya mashuka, taulo na mapazia. Uwauzie wamiliki wa hoteli kwa bei nzuri.

5. Kama kuna boda boda nyingi mtaani...

...sio lazima uwe na boda boda. Anzisha biashara ya kuuza spare parts, oil, helmet na gloves. Wenye boda boda watahitaji huduma zako kila wakati.

6. Kama kuna shule nyingi za sekondari na msingi...

...sio lazima uwe na shule. Anzisha biashara ya kuuza madaftari, uniform, viatu na mabegi ya shule. Hili soko ni kubwa sana na halitakauka.

7. Kama kuna watu wengi wanapenda kahawa na chai za mtaani...

...sio lazima uwe na mgahawa. Tafuta supplier wa majani ya chai na kahawa, kisha wauzie wenye migahawa. Unaweza pia kusupply vikombe, vijiko na thermos.

8. Kama kuna watu wengi wanapenda mitumba...

...sio lazima ufungue duka la mitumba. Anzisha biashara ya kuuza viatu vya mitumba kwa mawakala wa mtaani, ukawauzia kwa bei ya jumla.

9. Kama kuna baa nyingi mtaani kwako...

...badala ya kufungua baa, jifunze kutengeneza bites zinazopendwa kama ndizi choma, nyama choma, au karanga za kuoka. Wauzie wenye baa kwa wholesale.

10. Kama kuna majengo mengi ya ghorofa mjini...

...badala ya kujenga nyumba, anza biashara ya kuuza vifaa vya ujenzi kama cement, nondo, rangi na misumari. Majengo hayakomi kujengwa.

11. Kama kuna saluni nyingi mtaani...

...badala ya kufungua saluni, anza biashara ya kuuza mafuta ya nywele, wigs, weaves na mashine za kunyoa nywele.

12. Kama kuna watu wengi wanapenda fitness na gym...

...badala ya kufungua gym, anza kuuza vifaa vya mazoezi kama dumbbells, resistance bands, na vinywaji vya kuongeza nguvu mwilini.

13. Kama kuna vibanda vingi vya chipsi...

...badala ya kufungua kibanda, tafuta supplier wa viazi vya jumla au mafuta ya kukaangia. Utakuwa na wateja wa uhakika kila siku.

14. Kama kuna maduka mengi ya simu...

...sio lazima ufungue duka la simu. Anza biashara ya kuuza screen protectors, chaja, earphones, na cover za simu. Wateja wapo kila kona.

15. Kama kuna mashine nyingi za photocopy na printing mjini...

...badala ya kufungua stationary, fanya biashara ya kuuza rim paper, cartridge za printer na wino wa photocopy. Watahitaji huduma yako kila wakati.


---


"Biashara sio lazima iwe kubwa ili ipige hela nyingi. Ukiwa street smart, unaweza kutumia fursa zilizopo na ukawa supplier wa wale wenye biashara kubwa. Usingoje mtaji mkubwa – anza na kile ulichonacho na ujipange vizuri!"

Wadau
wa JF, mnaonaje hizi ideas? Ungependa kuona zipi nyingine kwenye list hii?

 

[Whackiest]

Umenikumbusha na hoja ya mwanzilishi wa suluari ya jeans dunian aina ya DENIM , alitazama kama ww kua sio wote tunapaswa kufanya kitu cha aina moja sawa na mazingira ila tunaweza kuangalia jamiii iliyopo inafanya shughuli gani na changamoto Yao ktk kazi Yao ukaingia kutatua kwakutoa huduma

 

[Davidmmarista]

Umenikumbusha na hoja ya mwanzilishi wa suluari ya jeans dunian aina ya DENIM , alitazama kama ww kua sio wote tunapaswa kufanya kitu cha aina moja sawa na mazingira ila tunaweza kuangalia jamiii iliyopo inafanya shughuli gani na changamoto Yao ktk kazi Yao ukaingia kutatua kwakutoa huduma

Watu wengi wanawaza kuwa wamiliki wa biashara, lakini wachache hufikiria fursa zilizopo kwenye biashara zilizokwisha anzishwa. Ukweli ni kwamba aliyebuni fridge hakupata faida kubwa kama Coca-Cola, ambayo ilitumia fridge kubeba na kuuza bidhaa zao kwa mamilioni ya watu. Usilazimishe kuwa mmiliki wa biashara, tafuta nafasi ndani ya mfumo uliopo na upige hela kwa akili!

 

[Whackiest]

Na siku zote mtu anaebadilishana mawazo na watu ktk anachokijua anaongezewa hongera kwa solo zuri na kuweza kufikisha kwa watu

 

[Davidmmarista]

Na siku zote mtu anaebadilishana mawazo na watu ktk anachokijua anaongezewa hongera kwa solo zuri na kuweza kufikisha kwa watu

Kweli bro! Maarifa yanapoongezwa kwa kushirikiana, yanakuwa na thamani zaidi. Tunajifunza kutoka kwa wengine na wao wanajifunza kutoka kwetu – ndio maana mjadala na ubunifu ni silaha kubwa ya mafanikio!