Mjini nipokeeni

1)Kule mambo siyo tena,ukweli niusemeni
Kule watu wananuna,nyie huku bananeni
Kule mvua hakuna,jua kali utosini Nipokeeni
mjini,jembe nimeacha shamba.


2)Kule kilimo ni bure,soko lake hatuoni
Kule twalinda ngedere,wasivamie jikoni
Kule mambo bure bure,hakuna kama zamani
Mjini nipokeeni ,jembe nimeacha shamba.


3)Kule umeme hakuna,sisi twalala gizani
Kule bwana amebana,hatwende tena shambani
Kule kama kuna lana,mazao hatuyaoni
Mjinii Nipokeeni ,jembe nimeacha shamba.

4)Kule hata sipitali,tunaziona ndotoni
Kule bwana jua kali,bado twaoga mtoni
Kule mambo siyo hali,kumeshakuwa jangwani
Mjini nipokeeni,jembe nimeacha shamba.


5)Kue watoto majanga,bado wasomea chini
Kule watu wanawanga,watupiana majini
Kule hakuna wajinga,shida awaone nani
Mjini nipokeenii,jembe nimeacha shamba.

6)Kule njia ni za vumbi,za lami hatuzioni
Kule taa za utambi,hadi twawashwa kooni
Kule twalima magimbi,yanaozea ghalani
mjini nipokeeni,jembe nimeacha shamba.


7)Kule kilimo hasara,hata ka tulime nini
Kule kilimo si dira,nani anakithamini
Kule watu tunafura,na bado haonekani
Mjini nipokeeni,jembe nimeacha shamba.

8)Kule maji bado shida,tunakunywa ya mtoni
Kule twashindia bada,lililolala jikoni
Kule hawajui poda,la wa dada taabani
Mjini nipokeeni,jembe nimeacha shamba.

9)Kule kilio samaki,chozi laenda vumbini
Kule hatujui haki,hata sheria ni nini
Kule le yetu riziki,imejafichwa mjini
Mjini nipokeeni,jembe nimeacha shamba.

10)Kule mimi mkombozi,ndo mana nipo mjini
Kule wale chapakazi,wapo huku viwandani
Kule nawambia wazi,ni lazima mrudini
Mjini nipokeeni,nanyi rudi kijijini

SHAIRI -MJINI NIPOKEENI
MTUNZI-Idd Ninga wa Tengeru Arusha
iddyallyninga@gmail.com
+255624010160

Uchochezi

Imebidi nirudie kusoma tena ili nione nimeandika nini