Mlenda wa bamia na nyanya chungu

[Ashura9]

Mlenda wa bamia na nyanya chungu

Kuandaa: dakika 10
Mapishi: dakika 20
Walaji: 2
Ujuzi: Rahisi
Gharama: Nafuu

Mlenda ni mboga yetu cha asili. Kuna mlenda wa aina nyingi sana. Haya mapishi yanaonyesha mojawapo kati ya mlenda unayoweza kuandaa kutumia vitu rahisi – bamia na nyanya chungu, lakini ladha yake si ya kawaida. Inafaa zaidi kuliwa na ugali ukiwa wa moto na pilipili.


Mahitaji

• Nyanya chungu
• Bamia
• Nyanya maji
• Kitunguu
• Karoti
• Pilipili hoho
• Mafuta ya kupikia

Maelekezo

• Menya nyanya, kitunguu, karoti na pilipili hoho. Kata kwenye vipande vidogo.
• Andaa bamia kwa kutoa ncha na mkia kisha kata mara mbili au jinsi utakavyopendezwa
• Menya nyanya chungu na kuikata katikati.
• Bandika sufuria kisha weka mafuta kiasi. Yakichemka weka nyanya chungu. Kaanga kama dakika kumi ili zibadilike rangi na kuwa za rangi ya udongo (angalia zisiungue). Kisha zitoe kwenye mafuta.
• Punguza mafuta ya kula kiasi, bakiza yanayotosha kupikia mboga.
• Weka kitunguu. Koroga na subiria kiive.
• Weka pilipili hoho na carrot. Koroga kwa muda wa takribani dakika 3
• Weka nyanya. Koroga na kisha funika ili ziive.
• Weka bamia. Ongeza maji kiasi. Bamia huchukua muda kuiva, hivyo ni vizuri kuongeza maji.
• Funika mboga yako na acha ichemke kwa muda wa dakika kama 10 – 15. Bamia zitakua zimeiva. Kuwa makini bamia zisilainike sana.
• Weka nyanya chungu kwenye mchuzi. Acha zichemke kama dakika 5 kisha ipua mboga yako inakua tayari kuliwa.
• Jirambe na ladha ya maisha, maisha ya kuteleza kama ulivyo mlenda

 

[Myahudi Jr II]

tayari sio mlenda tena huo, hiyo ni mboga ya kawaida tu