Aliyekuwa Katibu Tawala wa Wilaya ya Biharamulo mkoani Kagera, Venance Stanslaus Martin, ambaye pia ni mpwa wa Hayati Rais Dkt. John Pombe Magufuli, amechukua fomu ya kugombea ubunge wa Jimbo la Chato Kaskazini kupitia Chama Cha Mapinduzi (CCM).
Venance amefika katika Ofisi za CCM Wilaya ya Chato na kupokelewa na Katibu wa CCM wa wilaya hiyo, Charles Mazuri, na kukabidhiwa rasmi fomu ya kugombea nafasi hiyo ya uwakilishi.
Hatua hiyo imezua mvuto mkubwa kwa wananchi wa Chato na wadau wa siasa, hasa kutokana na historia ya familia yake na mchango mkubwa aliowahi kutoa Hayati Magufuli katika maendeleo ya taifa. Venance anatarajiwa kuwa miongoni mwa wagombea watakaoleta ushindani mkubwa ndani ya CCM kuelekea kura za maoni. Kila la kheri!