Mtaalamu ashauri baadhi ya ibara ndogo katika ibara ya kwanza zifutwe kwenye mkataba na DP-World

[OLS]

Ibara ya 1 ya makubaliano na serikali ya UAE kinatoa kwanza tafsiri ya maneno yaliyotumika kwenye mkataba. Neno “Project Company” limeandikwa kuwa litamaanisha DP-World au kampuni iliyosajiliwa nchini Tanzania (ikiwa ni Kampuni Tegemezi ya DP-World) ambayo imeingia Mkataba wa Mradi kwa ajili ya Shughuli za Mradi.

Wataalamu wanapendekeza kuwa: Kampuni ya Mradi inapaswa kuwa kampuni iliyosajiliwa nchini Tanzania pekee na hii inaweza kuwa katika mfumo wa kampuni tawi ya DP-World au muundo mwingine wowote unaofaa kwa DP-World, lakini usajili nchini Tanzania ni muhimu kwa mambo kadhaa.

• Kampuni ya Mradi(project Company) inahitaji kupata leseni na mahitaji mengi ya kisheria ya leseni ya biashara yanahitaji kuwa kampuni ina Nambari ya Utambulisho wa Kodi nchini Tanzania.
• Pale ambapo Kampuni ya Mradi itakuwa ikiajiri wafanyakazi, kodi zinazotozwa kwa waajiri, kama vile PAYE pamoja na mahitaji mengine ya kisheria kama vile NSSF, yanahitaji mwajiri kuwa taasisi ya kisheria iliyosajiliwa nchini Tanzania.

Tazama pia katika ufafanuzi chini ya "HGA" ambapo inatoa wazo la DPW kuingia makubaliano ya mwenyeji na kisha baadaye kuhamisha haki na majukumu kwa Project Company wakati inapoundwa. Hii inaongeza safu ya urasimu na mwanya wa ukiukwaji wa taratibu kwa kuongeza utaratibu wa kuhamisha haki na majukumu kwa chombo kingine.

Pendekezo ni kwamba Kampuni ya Mradi isajiliwe nchini Tanzania ili kuingia katika HGA na Serikali ya Tanzania. Suala ni kwamba DP-World inaweza isifadhili mradi kikamilifu na wawekezaji wengine wanaweza kuingia, kwa namna mbalimbali kama kuuza hisa.

Aidha, Tafsiri ya neno Mwekezaji “Investor” imeangaliwa kuwa na tatizo. Mkataba umeainisha kuwa "Mwekezaji" itamaanisha (i) Kampuni ya Mradi (na matawi yote ya Kampuni ya Mradi iliyosajiliwa kutekeleza Mradi kwa niaba ya Kampuni ya Mradi; (iii) mtu yeyote anayemiliki moja kwa moja aina yoyote ya hisa au maslahi mengine ya umiliki katika Kampuni ya Mradi."

Wataalamu wanapendekeza tafsiri ya neno hili kuondolewa kwa kuwa ufafanuzi huu unajichanganya. Mwekezaji amefafanuliwa kama Kampuni ya Mradi ambayo tayari ina ufafanuzi wake na pia taasisi au mtu yeyote anayeshikilia hisa katika Kampuni ya Mradi ni sehemu ya Kampuni ya Mradi. Mkataba unaendelea kutumia Istilahi hii mpya lakini inaonekana kuwa mfu kwani imebainika kuwa Mwekezaji ni Kampuni ya Mradi.

Commitment to enter into HGA

Ibara ndogo ya pili (b) inasema (b) Iwapo Kampuni ya Mradi haijasajiliwa wakati wa kusaini HGS husika, HGA inaweza kusainiwa na Tanzania na DP-World au Mshirika yanayohusiana (ambapo watia saini wana haki ya kumhamishia majukumu kwa kampuni nyingine mara itakapoundwa)."

Mapendekezo: Kifungu hiki kizima kifutwe. HGA ni chombo muhimu na kinapaswa kusainiwa na Kampuni ya Mradi iliyosajiliwa Tanzania. Uondolewe uwezekano wa uhamishaji au kukasimisha majukumu kwa ngazi hii.