Elections 2010 Mtikila Kuzuia Uchaguzi Mkuu?

[RRONDO]

Mtikila akusudia kuzuia Uchaguzi Mkuu

Mwenyekiti wa Democratic Party (DP), Mchungaji Chritopher Mtikila, ameungana na azma ya Chama Cha Jamii (CCJ), kutangaza kusudio la kuiomba Mahakama Kuu isimamishe Uchaguzi Mkuu wa Oktoba mwaka huu.

Tofauti na CCJ inayoazimia kuzuia uchaguzi huo iwapo ofisi ya Msajili wa Vyama vya Siasa, John Tendwa, haitatoa usajili wa kudumu kabla ya kuanza kwa mchakato wake (uchaguzi), Mchungaji Mtikila, anaainisha sababu mbili.

Akizungumza na waandishi wa habari jijini Dar es Salaam jana, Mchungaji Mtikila, alitaja sababu hizo kuwa ni marekebisho ya kifungu cha Sheria ya Uchaguzi kinachozuia matokeo ya mgombea urais kuhojiwa na chombo chochote baada ya kutangazwa na Tume ya Taifa ya Uchaguzi (NEC).

Mchungaji Mtikila, alisema kifungu hicho kinapaswa kufutwa ili kukidhi matakwa ya haki za binadamu na misingi ya demokrasia.

Mchungaji Mtikila alitaja sababu nyingine kuwa ni kutoa fursa kwa mwananchi mwenye sifa ya kupiga kura, aruhusiwe hata kama hana kitambulisho cha mpiga kura.

Pia Mchungaji Mtikila, alitoa rai kwa Jaji Mkuu wa Tanzania, Augustine Ramadhan, kuharakisha hukumu ya rufaa ya kesi ya mgombea binafsi, ili kuepusha madhara yanayoweza kutokea, kutokana na ucheleweshaji wa hukumu hiyo.

Alisema kitendo cha kutomtambua mtu asiyekuwa na kitambulisho cha kupigia kura na kumzuia kutochagua viongozi wake, ni kumnyima haki ya msingi.

Alitoa mfano kuwa sheria nchini Australia inatamka kuwa raia wake wenye sifa za kupiga kura wanastahili kufanya hivyo na kwamba ni kosa la jinai kuzuiwa kupiga kura.

Alisema sheria kama hiyo inapaswa kutumika hapa nchini ili wadau wa uchaguzi ikiwemo serikali, waelewe umuhimu wa kura za wananchi.

Alisema yapo mambo mengi katika Katiba ya nchi, ambayo yanatakiwa yabadilishwe ili Watanzania waweze kuwa na wigo mpana wa kufanya uamuzi kuhusu nchi na rasilimali, viwe mikononi mwao na vizazi vijavyo.


CHANZO: NIPASHE

 

[nguvumali]

anahaki ya kwenda Mahakamani kuidai haki anayoona inabakwa na Watawala.

 

[Bull]

Tutaona mengi toka kwa wachungaji walio wacha professinal zao na kukimbilia kwenye siasa. Kuna nchi nyingi Mr. Mchungaji hazimruhusu raia kupiga kura mpaka ujiandikishe.

Hoja zako MR. Mchungaji unaweza kuzipeleka mahakamani sababu huko wakotayari kusikiliza utumbo wowote lakini hakuna sababu za kuzuiya uchaguzi usifanyike October Bwana asifiwe!

 

[Sinkala]

Tutaona mengi toka kwa wachungaji walio wacha professinal zao na kukimbilia kwenye siasa.

Na hata wanajeshi walioachana na huko na kwenda kwenye siasa!

 

[Bull]

Hivi chadema bado hawaja li-support hili la Mchungaji? Nawasubiri watatamka, nikawaida yao kuunga mkono pumba za wachungaji!

Halooo Mchungaji Slaa are you there? can you hear me ?

 

[Ubungoubungo]

Hivi chadema bado hawaja li-support hili la Mchungaji? Nawasubiri watatamka, nikawaida yao kuunga mkono pumba za wachungaji!

Halooo Mchungaji Slaa are you there? can you hear me ?

kwani wachungaji wamekukosea nini, yeye kama mwananchi wa tz anayo haki kufanya chochote, unaonekana una chuki na wachungaji, umesahau kuwa hata mashehe wako kwenye siasa, na mwinyi ambaye alishawai kuwa rais wa jamhuri ni shehe na ana msikiti wake kule mikocheni...achana na chuki zako juu ya wakristo..

 

[Ruge Opinion]

Tatizo ni hivyo vyama butu kuongea tu kama makopo tika bila vitendo. Kama vingekuwa viko serious na kufanya kazi kwa pamoja hata Katiba ingekuwa imeisharekebishwa au kuandikwa upya. Hawana mbinu yoyote ya kuwahamasisha wananchi kutumia people's power. People's power ndiyo njia pekee iliyobaki ya kuleta mageuzi ya kweli. Kesi mahakamani zinachukua muda mrefu na inategemea ziko kwa hakimu gani. Kama ni hakimu kada wa CCM hamtapata kitu. Amani, amani, tunayoubiliwa kila siku ni kasumba ya kutupumbaza.

 

[Albedo]

Hivi chadema bado hawaja li-support hili la Mchungaji? Nawasubiri watatamka, nikawaida yao kuunga mkono pumba za wachungaji!

Halooo Mchungaji Slaa are you there? can you hear me ?

Coward coward, watu kama hawa Dr. Slaa akiingiaga hapa wao wanaingia Mitini LoL

 

[Zak Malang]

Hivi chadema bado hawaja li-support hili la Mchungaji? Nawasubiri watatamka, nikawaida yao kuunga mkono pumba za wachungaji!

Halooo Mchungaji Slaa are you there? can you hear me ?

Kina slaa wanajua fika Mtikila hawezi kuaminika, ni msaliti na ana uchu wa hela. Hili suala serikali ikimtupia vihela kidogo basi atawaumbua wapinzani wote. Mnasahau vijihela vya RA vilivyomuabisha.

Ni bora akina Slaa wakaachana naye kabisa.

 

[mageuzi1992]

Huyu Bull katokea wapi tena na chuki zake binafsi? Unajua watu wengine mapandikizi eh!

 

[ELNIN0]

Tatizo ni hivyo vyama butu kuongea tu kama makopo tika bila vitendo. Kama vingekuwa viko serious na kufanya kazi kwa pamoja hata Katiba ingekuwa imeisharekebishwa au kuandikwa upya. Hawana mbinu yoyote ya kuwahamasisha wananchi kutumia people's power. People's power ndiyo njia pekee iliyobaki ya kuleta mageuzi ya kweli. Kesi mahakamani zinachukua muda mrefu na inategemea ziko kwa hakimu gani. Kama ni hakimu kada wa CCM hamtapata kitu. Amani, amani, tunayoubiliwa kila siku ni kasumba ya kutupumbaza.

Wazo lako zuri sana lakini kwa jinsi ulivyo represent linaleta ukakasi, mahakama acha zifanye kazi yake - Peoples power inakuwa suruhisho la mwisho kabisa endapo mambo yanakuwa yanaharibika 100% - lakini kusimamia ukachochea kitu kama hiki bila sababu za maana hiyo inakuwa uhaini na ni dhambi pia. Tuendelee kudai haki zetu kupitia mahakama bado mimi ina imani nazo, hata hili la mgombea binafsi lipe muda tu utaona matunda yake. Upande wa pili mimi bado nina imani ya katiba yetu ingawa pia ina mambo yanayotakiwa yafanyiwe marekebisho.

Mchungaji wacha aendelee na kudai mambo ambayo ameamua kuyasimamia hakuna kilichoharibika - najua mzee unataka wotee kwa pamoja tudai :- Marekebisho ya katiba tukimaliza tu then tuingie hili la Tume huru ya uchaguzi then tumalizie na la mgombea binafsi kabla ya uchaguzi mkuu octoba. kumbuka mzee mambo huwa yanaenda hatua kwa hatua, tutafika tu weka subira - hakuna haja ya kukurupuka ghafla tutajichanganya wenyewe.

 

[mageuzi1992]

goood

 

[Kamakabuzi]

Kweli hili la matokeo ya urais kutohojiwa na chombo chochote ni kosa kubwa. Kumbuka tume ya uchaguzi si mahakama hata kama mwenyekiti wake ni jaji. Kumbuka pia mgombea urais si mmoja, anakuwa na wapinzani wake sasa ukisema tume ikitangaza basi wasihoji, je kama wanaona mahali fulani haki haikutendeka waende wapi? Msituni?