Mkalukungone mwamba
JF-Expert Member
- Aug 29, 2022
- 862
- 1,755
Agosti 5, 2024 - Mwanaharakati Deusdedith Soka, akizungumza kwa niaba ya vijana wa CHADEMA, ameeleza changamoto mbalimbali zinazowakabili vijana nchini Tanzania. Katika mkutano na waandishi wa habari, Soka ameonesha wasiwasi kuhusu ukosefu wa ajira kwa vijana, akisema kwamba licha ya vijana wengi kumaliza masomo yao, Serikali haijaweka mipango madhubuti ya kuunda ajira.
Aidha, Soka amegusia suala la ubadhilifu wa fedha za umma, akisisitiza kwamba watu waliotajwa katika ripoti ya Mdhibiti na Mkaguzi Mkuu wa Hesabu za Serikali (CAG) kwa kuhusika na ubadhilifu bado hawajachukuliwa hatua. Amesema hali hii inachangia umasikini nchini kwani fedha zinazotengwa kwa ajili ya miundombinu ni kidogo sana.
Kuhusu tukio la binti aliyebakwa na wanaume watatu, Soka ameahidi kwamba yeye na wenzake watamsaidia binti huyo kupata matibabu na haki zake. Amesema, "Ninamtaka IGP amuhakikishie usalama wa yule dada ambaye anakaa Yombo Vituka. Mimi ni mkazi wa Temeke, nitaendelea kumfuatilia suala hili hadi mwisho."
Soka pia amezungumzia Tume Huru ya Uchaguzi wa Madiwani, Wabunge, na Rais, akielezea mashaka yake kuhusu uhalali wa tume hiyo. Alisema kuwa inaonekana kama tume hiyo inataka kutumia njia zile zile za zamani na watu wale wale, jambo ambalo halitaweza kuleta matokeo tofauti.
Aidha, Soka amekemea vitendo vya utekaji vinavyoendelea katika maeneo mbalimbali nchini, akiwataka vijana wote kuungana kupinga vitendo hivyo. Alisema, "Kama tutaendelea kusema mimi ni chama fulani na kutoonyesha ushirikiano, basi matukio haya yataendelea na yanaweza kumkuta yeyote kati yetu."
Pia, Soka ameeleza kuwa ameungana na mawakili na wanaharakati wengine wa haki za binadamu ili kumsaidia binti aliyebakwa. Amemwomba binti huyo kuwatafuta ili apate msaada wa kisheria na matibabu bila gharama yoyote.
Mwisho, Soka ametoa wito kwa vyombo vya usalama kuwakamata mara moja watu wote waliohusika na tukio la ubakaji, akisema kwamba picha na video zao zimeonekana wazi.
Soma pia: Jumanne Sagini: Serikali inafuatilia kwa ukaribu matukio ya utekaji yanayoendelea Jijini Dar es Salaam/ Tamko la Masauni Waziri wa Mambo ya Ndani kuhusu madai ya kusambaa kwa matukio ya utekaji wa Watoto, asema Nchi ipo salama
Soma pia: Maboresho juu ya washukiwa wa Ripoti ya CAG
Aidha, Soka amegusia suala la ubadhilifu wa fedha za umma, akisisitiza kwamba watu waliotajwa katika ripoti ya Mdhibiti na Mkaguzi Mkuu wa Hesabu za Serikali (CAG) kwa kuhusika na ubadhilifu bado hawajachukuliwa hatua. Amesema hali hii inachangia umasikini nchini kwani fedha zinazotengwa kwa ajili ya miundombinu ni kidogo sana.
Kuhusu tukio la binti aliyebakwa na wanaume watatu, Soka ameahidi kwamba yeye na wenzake watamsaidia binti huyo kupata matibabu na haki zake. Amesema, "Ninamtaka IGP amuhakikishie usalama wa yule dada ambaye anakaa Yombo Vituka. Mimi ni mkazi wa Temeke, nitaendelea kumfuatilia suala hili hadi mwisho."
Soka pia amezungumzia Tume Huru ya Uchaguzi wa Madiwani, Wabunge, na Rais, akielezea mashaka yake kuhusu uhalali wa tume hiyo. Alisema kuwa inaonekana kama tume hiyo inataka kutumia njia zile zile za zamani na watu wale wale, jambo ambalo halitaweza kuleta matokeo tofauti.
Aidha, Soka amekemea vitendo vya utekaji vinavyoendelea katika maeneo mbalimbali nchini, akiwataka vijana wote kuungana kupinga vitendo hivyo. Alisema, "Kama tutaendelea kusema mimi ni chama fulani na kutoonyesha ushirikiano, basi matukio haya yataendelea na yanaweza kumkuta yeyote kati yetu."
Pia, Soka ameeleza kuwa ameungana na mawakili na wanaharakati wengine wa haki za binadamu ili kumsaidia binti aliyebakwa. Amemwomba binti huyo kuwatafuta ili apate msaada wa kisheria na matibabu bila gharama yoyote.
Mwisho, Soka ametoa wito kwa vyombo vya usalama kuwakamata mara moja watu wote waliohusika na tukio la ubakaji, akisema kwamba picha na video zao zimeonekana wazi.
Soma pia: Jumanne Sagini: Serikali inafuatilia kwa ukaribu matukio ya utekaji yanayoendelea Jijini Dar es Salaam/ Tamko la Masauni Waziri wa Mambo ya Ndani kuhusu madai ya kusambaa kwa matukio ya utekaji wa Watoto, asema Nchi ipo salama
Soma pia: Maboresho juu ya washukiwa wa Ripoti ya CAG
