Mwanaume na Mipasho.

1.Nanena kimtang'ata,kwa lugha ya kiswahili
Nachanganya kimvita,nikikanyaga pedeli
Inuka ninakuita,ewe mwana wa mjoli
Swali tena nauliza,soma chini kibwagizo.


2.Kisa una ndugu wengi,pwani le ya Zinjibari
Tungo zako hautungi,Hadi uone khubari
Utavalishwa ushungi,na uchinjiwe wibari
Dume kutunga mipasho,eti ni unini vile .


3.Tungo zako watungaje,tungo zo za kusutana
Natamani nikutaje,lakini bado mchana
Nazingoja siku zije,halafu tutajuana
Dume kutunga mipasho,eti ni unini vile.


4.Siku moja itafika,uweke kidole juu
Japo unayoandika,ni tendi za Kirikuu
Najua utapayuka,domo lipasuke puu
Dume kutunga mipasho,sijasema ni umama.


SHAIRI-DUME KUTUNGA MIPASHO.
MTUNZI-Idd Ninga,Tengeru Arusha
+255624010160
iddyallyninga@gmail.com

Sawa mswahili

Good