Mwenyekiti wa Chama cha NCCR Mageuzi Wilaya ya Misungwi, Francis Mazigo, ametangaza rasmi kujivua nafasi yake ndani ya chama hicho na kujiunga na Chama cha Alliance for Democratic Change (ADC), akisema amevutiwa na katiba, sera na mwelekeo wa ADC kuelekea Uchaguzi Mkuu wa mwaka huu.
Mazigo amejiunga rasmi na ADC leo katika hafla fupi iliyohudhuriwa na viongozi wa kitaifa wa chama hicho, wakiongozwa na Mwenyekiti wa ADC Taifa, Shabani Itutu, ambaye alimkabidhi kadi ya uanachama.