Pre GE2025 Mwenyekiti wa CCM Mkoa wa Simiyu Ashiriki Mkutano Mkuu wa Jimbo la Maswa Mashariki

[Stephano Mgendanyi]

Mwenyekiti wa CCM Mkoa wa Simiyu Ashiriki Mkutano Mkuu wa Jimbo la Maswa Mashariki​

Maswa, 16 Januari 2025 – Mwenyekiti wa Chama Cha Mapinduzi (CCM) Mkoa wa Simiyu, Ndugu Shemsa Mohamed Seif, ameshiriki Mkutano Mkuu wa Jimbo la Maswa Mashariki uliofanyika katika Uwanja wa Ngunzo Nane, Maswa. Mkutano huu umefanyika kwa ajili ya kusoma na kujadili utekelezaji wa miradi ya maendeleo katika Jimbo hilo, linaloongozwa na Mbunge, Mhe. Stanslaus Nyongo.

Mgeni rasmi katika mkutano huo alikuwa Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa, ambaye aliwaeleza wananchi hatua kubwa zilizopigwa katika kuboresha huduma za kijamii na miundombinu ndani ya Jimbo la Maswa Mashariki.

Akizungumza katika mkutano huo, Mwenyekiti wa CCM Mkoa wa Simiyu, Ndugu Shemsa Mohamed Seif, alimpongeza Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kuendelea kuwekeza katika maendeleo ya Mkoa wa Simiyu. Alieleza kuwa katika kipindi cha 2020-2025, Serikali imewekeza zaidi ya Shilingi Bilioni 78 katika miradi mbalimbali ya maendeleo ndani ya Jimbo la Maswa Mashariki pekee.

Mwenyekiti huyo pia alisisitiza kuwa Chama na Serikali mkoani Simiyu vinafanya kazi kwa ushirikiano wa karibu ili kuhakikisha wananchi wanapata maendeleo na huduma bora zinazostahili.

Imetolewa na: Idara ya Siasa na Uenezi,
Chama Cha Mapinduzi (CCM) – Mkoa wa Simiyu

 

[Benjamini Netanyahu]

Hilo jimbo nadhani ni kati ya majimbo masikini sababu ya kukumbatia CCM, wakitoka hapo watapewa pombe na nyama ndiyo malipo yao.