Leo CCM inalaumiwa eti inaua watu, yaani mambo ya wasiojulikana. Hii haijawahi kuwa msingi wa CCM
CCM inaonekana inaogopa wapinzani, suala la kununua wapinzani. Hatuna CCM ya namna hii kwenye misingi yake
CCM inatajwa kila pahala eti inaibaga kura, uchaguzi uliopita Serikali za mitaa na Uchaguzi Mkuu. CCM kama hii haipo Tanzania kwenye misingi ya CCM
CCM inahimiza wapinzani wafanye siasa za kisayansi na za kistaarabu, ni mara ngapi sisi CCM tumekosa ustaarabu na sayansi ya siasa, hadi tunatia kinyaa?
Yaani inakuwa mtu anayetangaza amani huku kaweka panga mfuko wa nyuma.
Waliopo ndani ya CCM hawawezi kukosoa wala kusema vibaya chama kwa kuhofia vyeo vyao. Sisi tusio na hio hofu acha tuseme. Kuanzia sasa na kuendelea na sisi CCM huru / CCM msingi tutaendeleza vuguvugu hili la kuidai CCM msingi inayoishi kwenye misingi ya 'CCM'. Tutatumia kila aina ya mitandao kuidai hii CCM.
Hatutaki CCM ionekane kama kimbilio la uteuzi, kimbilio la kuganga njaa. Wanaopigania chama usiku na mchana wanaachwa solemba na vyeo kupewa wahamiaji. Hapana. This is no more!
Ki ukweli CCM ya nyakati hizi ni CCM nyingine sio ile yenyewe hasa ya 'Jembe na Nyundo'. Hii si CCM ya kufanya mapinduzi. Vilio vya ajira kila kona ya nchi, CCM ipo kimya haina mipango inayoeleweka.
CCM ni chama cha Mapinduzi. Ni chama cha kufanya mapinduzi at any time katika kujenga nchi. Hata kabla ya vuguvugu la Katiba CCM tulipaswa kuleta katiba mpya maana CCM inaona mbali miaka 100 zaidi kuliko wapinzani. CCM sio ya kutumia nguvu bali sayansi ya siasa.
CCM ina rangi ya kijani, alama ya Jembe na Nyundo kuashiria amani, furaha, upendo, uchapakazi kwa kila mtu.
Mwenyekiti wetu, Mh. Samia tunaomba CCM yetu asili tuwakabili wapinzani squarely hoja kwa hoja.
Hatuhitaji tena msaada wa mamlaka za ki dola bali tunahitaji mamlaka ya ki chama tucheze ngoma za kisiasa na hawa jamaa zetu wa upinzani.
UVCCM kujitokeza na kusema Katiba Mpya sio muhimu nako ni kukosa kuelewa siasa za nyakati.
Wakati, wapinzani wakiendesha vuguvugu la katiba Mpya na sisi CCM msingi / CCM huru / CCM damu tunataka kuanzisha vuguvugu la kudai CCM msingi, maana CCM hii sio ile ya akina Nyerere, sio ile ya akina Kawawa, hii ni 'pure CCM JAZA TUMBO'. Hatuitaki hii CCM inayoogopa kula sahani moja na wapinzani kwenye majukwaa ya kisiasa! CCM inayosemwa ni wepesi kama pamba bila msaada wa ki polisi. Tunaanza harakati za kuitafuta CCM yetu. Tutafanikiwa tu.
Hatutaki CCM yenye kuonekana CCM haramu. Tutaipigania CCM asili na kuhama hatuhami.
CCM ndio iliyoruhusu siasa za upinzani iweje sasa tuonekane tunawaogopa?.
#VuguvuguCCMmsingi
#VuguvuguCCMmsingi
#VuguvuguCCMmsingi
#VuguvuguCCMmsingi